ବାଗଦାଦରେ ଆମେରିକାର ଆକ୍ରମଣ ଯୋଗୁଁ ଭାରତୀୟ ସେୟାର୍ ବଜାର ଉପରେ ପ୍ରଭାବ; ସେୟାର ମୂଲ୍ୟରେ ବ୍ୟାପକ ହ୍ରାସ
ନୂଆଦିଲ୍ଲୀ: ବାଗଦାଦରେ ଆମେରିକାର ଆକ୍ରମଣ ପରେ ସମଗ୍ର ମଧ୍ୟପ୍ରାଚ୍ୟରେ ଏବେ ଉତ୍ତେଜନାମୂଳକ ପରିସ୍ଥିତି । ଏହାର ପ୍ରଭାବ ଭାରତୀୟ ବଜାର ଉପରେ ପଡିଛି । ଆଜି କାରବାର ଆରମ୍ଭରେ ବମ୍ବେ ଷ୍ଟକ ଏକ୍ସଚେଞ୍ଜରେ ସମ୍ବେଦନଶୀଳ ସୂଚକାଙ୍କ ୮୧୩ ପଏଣ୍ଟ ହ୍ରାସ ପାଇଛି । ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ,ଏସିଆନ ପେଂଟସ, ପାୱାର ଗ୍ରୀଡ କର୍ପୋରେସନ୍ , ମହିନ୍ଦ୍ରା ଆଣ୍ଡ ମହିନ୍ଦ୍ରା, ମାରୁତି ଏବଂ ସନ ଫାର୍ମା ଆଦି ବଡ଼ କମ୍ପାନୀଗୁଡିକର ସେୟାର ମୂଲ୍ୟ ବ୍ୟାପକ ଭାବେ ହ୍ରାସ ପାଇଛି ।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ଘରୋଇ ଓ ସରକାରୀ ବ୍ୟାଙ୍କଗୁଡିକ ମଧ୍ୟ ସେମାନଙ୍କ କାରବାରରେ ବଡ଼ କ୍ଷତି ସହିଛନ୍ତି । ୧୮ ମାସ ଧରି ଉତ୍ଥାନ ପଥରେ ଥିବା ଏସିଆନ ପେଂଟସର ବଜାର ମୂଲ୍ୟ ଆଜି ପ୍ରଥମ ଥର ତଳକୁ ଖସିଛି । ଆମେରିକା ଓ ଇରାନ ମଧ୍ୟରେ ସମ୍ଭାବ୍ୟ ଯୁଦ୍ଧ ପରିପ୍ରେକ୍ଷୀରେ ନିବେଶକମାନେ ସେୟାର ମାର୍କେଟରୁ ସେମାନଙ୍କର ପ୍ରାୟ ଅଢେଇ ହଜାର କୋଟି ଟଙ୍କାର ପୁଞ୍ଜି ପ୍ରତ୍ୟାହାର କରିନେବା ଫଳରେ ସେୟାର ବଜାରରେ ମାନ୍ଦାବାସ୍ଥା ସୃଷ୍ଟି ହୋଇଛି ।