ପାକିସ୍ତାନ ଉପରେ ଆତଙ୍କବାଦୀ ଆକ୍ରମଣ କରାଉଛି ଭାରତ : ଅସୀମ ମୁନୀର

ରାଓ୍ବଲପିଣ୍ଡି: ପାକିସ୍ତାନରେ ଆତଙ୍କବାଦୀ କାର୍ଯ୍ୟକଳାପ ଓ ଆକ୍ରମଣ ବଢିଚାଲିଥିବାବେଳେ ଏହାକୁ ଭାରତର ଷଡ଼ଯନ୍ତ୍ର ବୋଲି କହୁଛନ୍ତି ପାକ ସେନାମୁଖ୍ୟ ଅସୀମ ମୁନୀର । ସେ ଅଭିଯୋଗ କରିଛନ୍ତି ଯେ ପହଲଗାମ ଆତଙ୍କବାଦୀ ଆକ୍ରମଣ ପରେ, ଭାରତ ଏବେ ପ୍ରକ୍ସି (ଛଦ୍ମଗୋଷ୍ଠୀ) ମାଧ୍ୟମରେ ପାକିସ୍ତାନ ବିରୁଦ୍ଧରେ ଯୋଜନା କରୁଛି। ଅସୀମ ମୁନିର ପୁଣି ଥରେ ଦୋହରାଇଛନ୍ତି ଯେ ଆମେରିକାର ମଧ୍ୟସ୍ଥତାରେ ଯୁଦ୍ଧବିରତି ହୋଇଥିଲା, ଯାହା ପରେ ଯୁଦ୍ଧ ଶେଷ ହୋଇଥିଲା।

ପାକିସ୍ତାନର ଫିଲ୍ଡ ମାର୍ଶାଲ ଅସୀମ ମୁନିର, ଜେନେରାଲ ହେଡକ୍ୱାର୍ଟର୍ସରେ ୨୭୧ତମ କୋର୍ କମାଣ୍ଡର୍ସ ସମ୍ମିଳନୀର ଅଧ୍ୟକ୍ଷତା କରି କହିଥିଲେ ଯେ ପହଲଗାମ ଘଟଣା ପରେ, ଭାରତ ଫିତନା-ଅଲ-ଖାୱାରିଜ ଏବଂ ଫିତନା-ଅଲ-ହିନ୍ଦୁସ୍ତାନ ସଂଗଠନ ମାଧ୍ୟମରେ ପାକିସ୍ତାନ ବିରୁଦ୍ଧରେ ଦ୍ୱିଗୁଣିତ ଶକ୍ତି ପ୍ରୟୋଗ କରୁଛି।

ପାକିସ୍ତାନର ଫିଲ୍ଡ ମାର୍ଶାଲ ଅସୀମ ମୁନିର, ଜେନେରାଲ ହେଡକ୍ୱାର୍ଟର୍ସରେ ୨୭୧ତମ କୋର୍ କମାଣ୍ଡର୍ସ ସମ୍ମିଳନୀର ଅଧ୍ୟକ୍ଷତା କରି କହିଥିଲେ ଯେ ପହଲଗାମ ଘଟଣା ପରେ, ଭାରତ ଫିତନା-ଅଲ-ଖାୱାରିଜ ଏବଂ ଫିତନା-ଅଲ-ହିନ୍ଦୁସ୍ତାନ ସଂଗଠନ ମାଧ୍ୟମରେ ପାକିସ୍ତାନ ବିରୁଦ୍ଧରେ ଦ୍ୱିଗୁଣିତ ଶକ୍ତି ପ୍ରୟୋଗ କରୁଛି।

ଗତ ବର୍ଷ ଜୁଲାଇରେ, ପାକିସ୍ତାନ ସରକାର ନିଷିଦ୍ଧ ତେହେରିକ-ଏ-ତାଲିବାନ ପାକିସ୍ତାନ ସଂଗଠନକୁ ଫିତନା-ଅଲ-ଖାୱାରିଜ ନାମ ଦେଇଥିଲେ। ସେହି ସମୟରେ, ମେ ୨୦୨୫ ରେ, ଶାହବାଜ ସରକାର ବେଲୁଚିସ୍ତାନର ସମସ୍ତ ଆତଙ୍କବାଦୀ ସଂଗଠନକୁ ଫିତନା-ଅଲ-ହିନ୍ଦୁସ୍ତାନ ନାମ ଦେଇଥିଲେ। ପାକିସ୍ତାନ ଏହି ସମସ୍ତ ସଂଗଠନଗୁଡ଼ିକୁ ଆତଙ୍କବାଦୀ ଆକ୍ରମଣ ପାଇଁ ଦୋଷୀ ବୋଲି ଚିହ୍ନଟ କରିଛି।