ଜୟ ଶ୍ରୀରାମ କହିବାକୁ ୨ ଜଣ ମୁସଲିମ ଯୁବକଙ୍କୁ ବାଧ୍ୟ କରାଯିବା ଘଟଣାରେ, ୪ଜଣଙ୍କ ନାଆଁରେ ଥାନାରେ ଏତଲା
ଔରଙ୍ଗାବାଦ: ମହାରାଷ୍ଟ୍ରର ଔରଙ୍ଗାବାଦରେ ଜୟ ଶ୍ରୀରାମ କହିବାକୁ ୨ ଜଣ ମୁସଲିମ ଯୁବକଙ୍କୁ ବାଧ୍ୟ କରାଯିବା ଘଟଣାରେ ୪ଜଣଙ୍କ ନାଆଁରେ ଥାନାରେ ଏତଲା ଦିଆଯାଇଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ ମହାରାଷ୍ଟ୍ରର ଔରଙ୍ଗାବାଦର ଆଜାଦ ଚୌକଠାରେ ଗତକାଲି ଏହି ଘଟଣା ଘଟିଛି ।
Sambad is now on WhatsApp
Join and get latest news updates delivered to you via WhatsApp
ଦୁଇ ପୀଡ଼ିତଙ୍କ ମଧ୍ୟରୁ ଜଣେ ସକିଲ ଅମୀର ଅଭିଯୋଗ ଆଣି କହିଛନ୍ତି ଯେ ଆଜାଦ ଛକରେ ତାଙ୍କୁ କିଛି ଯୁବକ ଜୋର ଜବରଦସ୍ତି କରି ଜୟ ଶ୍ରୀରାମ ସ୍ଲୋଗାନ୍ ଉଚ୍ଚାରଣ କରିବାକୁ କହିଥିଲେ । ଏହାପରେ କିଛି ଲୋକ କାରରେ ସେଠାରେ ପହଞ୍ଚି ବି ଜୟ ଶ୍ରୀରାମ କହିବାକୁ ବାଧ୍ୟ କରିଥିଲେ । ଏହି ଘଟଣା ସେଠାରେ ଲାଗିଥିବା ସିସିଟିଭିରେ କଏଦ ହୋଇଥିବା ଜଣାଯାଇଛି ।
ଏହି ଅଘଟଣ ଘଟିବାପରେ ସେହି ଅଞ୍ଚଳରେ ପୁଲିସ ମୁତୟନ କରାଯାଇଛି । ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି ବୋଲି ଔରଙ୍ଗାବାଦ ପୁଲିସ କମିଶନର ଚିରଞ୍ଜିବୀ ପ୍ରସାଦ ସୂଚନା ଦେଇଛନ୍ତି ।
ଏଠାରେ ସୂଚନାଯୋଗ୍ୟ ଗତ କିଛି ମାସ ହେବ ‘ଜୟ ଶ୍ରୀରାମ’ କହିବାକୁ ନେଇ ଦେଶର ବିଭିନ୍ନ ସ୍ଥାନରେ ଉତ୍ତେଜନା ଦେଖାଯାଇଛି । ଏଭଳି କେତେକ ମାମଲା ବି ଥାନା ଯାଏଁ ପହଞ୍ଚିଛି।