ଶିମ୍ଲା : ପ୍ରବଳ ବର୍ଷା ଏବଂ ଖରାପ ପାଗ ଯୋଗୁଁ ହିମାଚଳପ୍ରଦେଶରେ ସେଓ ଚାଷ ବ୍ୟାପକ ଭାବେ ପ୍ରଭାବିତ ହୋଇଛି। ଅତି ସାଂଘାତିକ ଫଙ୍ଗଲ୍ ସଂକ୍ରମଣ ଯୋଗୁଁ ସେଓ ଗଛର ପତ୍ରଗୁଡ଼ିକ ହଳଦିଆ ପଡ଼ିଯାଇ ଫଳ ପରିପକ୍ବ ହେବା ପୂର୍ବରୁ ଝଡ଼ି ପଡ଼ୁଛି। ଏହାଦ୍ବାରା ସେଓ ଅମଳ ପୂର୍ବ ବର୍ଷ ଅପେକ୍ଷା ଦ୍ରୁତ ହ୍ରାସ ପାଇଛି। ଆକଳନ ଅନୁଯାୟୀ ପ୍ରତି ସେଓ ବଗିଚାରେ ୩୫ରୁ ୪୦ ପ୍ରତିଶତ ସେଓ ଗଛ ପ୍ରଭାବିତ ହୋଇଛି। ଫଳର ଆକାର ମଧ୍ୟ ଗୁରୁତର ପ୍ରଭାବିତ ହୋଇଛି। କାଶ୍ମୀର ପରେ ଦେଶରେ ଦ୍ବିତୀୟ ବୃହତ୍ତମ ସେଓ ଉତ୍ପାଦନ ହିମାଚଳପ୍ରଦେଶରେ ହୁଏ। ରାଜ୍ୟରେ ସେଓ ଶିଳ୍ପର ଆକାର ପ୍ରାୟ ୫ ହଜାର କୋଟି ଟଙ୍କାର ହେବ।
ଜଣେ ସେଓ ଚାଷୀ ତଥା କିଷାନ ସଂଯୁକ୍ତ ମଞ୍ଚର ସଂଯୋଜକ ହରୀଶ ଚୌହାନ କହିଛନ୍ତି, ‘ଡକ୍ଟର ୱାଇ ଏସ୍ ପରମାର ୟୁନିଭର୍ସିଟି ଅଫ୍ ହର୍ଟିକଲ୍ଚର ଆଣ୍ଡ ଫରେଷ୍ଟ୍ରି’ର ବିଶେଷଜ୍ଞ ଟିମ୍ ଏବେ ରୋଗର କାରଣ ଓ ବର୍ତ୍ତମାନର ସ୍ଥିତି ଆକଳନ କରୁଛନ୍ତି । ଉକ୍ତ ଟିମ୍ ଏବେ ବିଭିନ୍ନ ସେଓ ବଗିଚା ବୁଲି ଯାଞ୍ଚ ଚଳାଇଛନ୍ତି। ଆକଳନ ଅନୁଯାୟୀ ରାଜ୍ୟରେ ପ୍ରାୟ ୪୦ ପ୍ରତିଶତ ସେଓ ଗଛ ପ୍ରଭାବିତ ହୋଇଛି। ହରୀଶ ଦାବି କରିଛନ୍ତି ଯେ ‘ଅଲ୍ଟରନେରିୟା ଲିଫ୍ ସ୍ପଟ୍’ ଫଙ୍ଗଲ୍ ସଂକ୍ରମଣ ସେଓ ଚାଷକୁ ପ୍ରଭାବିତ କରିଛି। ଅଲ୍ଟରନେରିୟା ଲିଫ୍ ସ୍ପଟ୍ ପ୍ରଥମେ ସେଓ ଗଛର ପତ୍ରକୁ କ୍ଷତି କରେ ଏବଂ ପରେ ଏହାଦ୍ବାରା ଫଳ ମଧ୍ୟ ପ୍ରଭାବିତ ହୁଏ। ସେଓ ଚାଷୀମାନଙ୍କର ଏକ ପ୍ରତିନିଧି ଦଳ ଗତକାଲି ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁଙ୍କୁ ଭେଟିଥିଲେ ଏବଂ ଶୀଘ୍ର ବ୍ୟାପୁଥିବା ଫଙ୍ଗଲ ସଂକ୍ରମଣ ସଂକ୍ରାନ୍ତରେ ଅବଗତ କରିଥିଲେ। ସେ କହିଛନ୍ତି ଯେ ଏଭଳି ସମାନ ସଂକ୍ରମଣ ୨୦୨୩ରେ ମଧ୍ୟ ରାଜ୍ୟରେ ସେଓ ଚାଷକୁ ପ୍ରଭାବିତ କରିଥିଲା।
ରହସ୍ୟମୟ ଫଙ୍ଗଲ୍ ସଂକ୍ରମଣ: ହିମାଚଳରେ ସେଓ ଚାଷ ବ୍ୟାପକ ପ୍ରଭାବିତ
ପ୍ରବଳ ବର୍ଷା ଏବଂ ଖରାପ ପାଗ ଯୋଗୁଁ ହିମାଚଳପ୍ରଦେଶରେ ସେଓ ଚାଷ ବ୍ୟାପକ ଭାବେ ପ୍ରଭାବିତ ହୋଇଛି। ଅତି ସାଂଘାତିକ ଫଙ୍ଗଲ୍ ସଂକ୍ରମଣ ଯୋଗୁଁ ସେଓ ଗଛର ପତ୍ରଗୁଡ଼ିକ ହଳଦିଆ ପଡ଼ିଯାଇ ଫଳ ପରିପକ୍ବ ହେବା ପୂର୍ବରୁ ଝଡ଼ି ପଡ଼ୁଛି।
/sambad/media/media_files/2025/07/10/wqasxz-2025-07-10-06-23-35.jpg)