ନୂଆଦିଲ୍ଲୀ: ରବିବାରରୁ ଆରମ୍ଭ ହେଉଛି ଚୈତ୍ର ନବରାତ୍ରି। ତେବେ ନବରାତ୍ରୀକୁ ନେଇ ଯୁବପିଢ଼ିଙ୍କ ମଧ୍ୟରେ ନାହିଁ ନଥିବା ଉତ୍ସାହ ଦେଖିବାକୁ ମିଳିଛି | ଗୁଜୁରାଟର ସୁରଟରେ ଗରବା ନୃତ୍ୟ ପାଇଁ ଯୁବତୀମାନେ ପିଠି ପଛପଟେ ଭିନ୍ନ ଭିନ୍ନ ଡିଜାଇନର ଟାଟୁ ଆଙ୍କିଛନ୍ତି | ଯୁବତୀମାନେ ଚନ୍ଦ୍ରଯାନ-୨ ସହ ଟ୍ରାଫିକ ନିୟମ ସମ୍ପର୍କିତ ଟାଟୁ ଆଙ୍କିଛନ୍ତି | ଏହି ଯୁବତୀଙ୍କ ଟାଟୁ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି |
Sambad is now on WhatsApp
Join and get latest news updates delivered to you via WhatsApp
ଇସ୍ରୋର ଚନ୍ଦ୍ରଯାନ ମିଶନ ସମ୍ପର୍କିତ ଟାଟୁ ସହ ସେପ୍ଟେମ୍ବର ୧ରେ ଲାଗୁ ହୋଇଥିବା ଟ୍ରାଫିକ ନିୟମ ଉଲ୍ଲଙ୍ଘନ କଲେ ଜରିମାନା ଭଳି ଟାଟୁ ଆଙ୍କିଛନ୍ତି | ସେହିପରି କେନ୍ଦ୍ର ସରକାରଙ୍କ ଦ୍ୱାରା ଜମ୍ମୁକାଶ୍ମୀରରୁ ଧାରା ୩୭୦ ହଟାଇବା ଭଳି ଘଟଣାର ଟାଟୁ ଆଙ୍କିଛନ୍ତି | ଏଠାରେ ସୂଚନା ଥାଉ କି ଦେଶରେ ଏବେ ନବରାତ୍ରି ଉପଲକ୍ଷେ ପୂଜା ଆରମ୍ଭ ହୋଇଯାଇଛି |
ନବରାତ୍ରି ପାଇଁ ୯ ଦିନ ଧରି ମା ଦୁର୍ଗାଙ୍କର ଭିନ୍ନ ଭିନ୍ନ ରୂପରେ ପୂଜା କରାଯିବ | ବଡ଼କଥା ଏଥର ନବରାତ୍ରି ପାଇଁ ବୈଷ୍ଣୋ ଦେବୀ ମନ୍ଦିରରେ ସ୍ୱର୍ଣ୍ଣ ଦ୍ୱାର ଲଗାଯାଇଛି। ନବରାତ୍ରିରେ ମା’ ବୈଷ୍ଣୋଦେବୀଙ୍କ ଦର୍ଶନ ପାଇଁ ଆସିବାକୁ ଥିବା ଭକ୍ତ ସ୍ୱର୍ଣ୍ଣ ଦ୍ୱାର ଦେଇ ମା’ଙ୍କ ଦର୍ଶନର ସୌଭାଗ୍ୟ ପାଇବେ।