‘ଚୁପଚାପ କୋଭିଡ ଟିକା ନେଲେ, କିନ୍ତୁ ଆପଣଙ୍କୁ ମନା କଲେ’ ଅଖିଳେଶଙ୍କୁ ଏଭଳି ଟାର୍ଗେଟ କଲେ ନଡ୍ଡା
ନୂଆଦିଲ୍ଲୀ: କୋଭିଡ ଟିକା ପ୍ରସଙ୍ଗରେ ଆଜି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପୁଣି ଥରେ ସମାଜବାଦୀ ପାର୍ଟି ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବଙ୍କୁ ଟାର୍ଗେଟ କରିଛନ୍ତି। ବିଜେପିର ଆଞ୍ଚଳିକ କାର୍ଯ୍ୟାଳୟର ଉଦଘାଟନ ପାଇଁ ଗୋରଖପୁରରେ ପହଞ୍ଚିଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉଦ୍ୟମ ହେତୁ ଜାନୁୟାରୀ ୨୦୨୧ରେ ଦେଶକୁ ଗୋଟିଏ ନୁହେଁ ବରଂ ଦୁଇଟି ଟିକା ମିଳିଥିଲା | କିନ୍ତୁ ପରୀକ୍ଷା ପରେ ଯେତେବେଳେ ଟିକାକରଣ ପାଇଁ ସମୟ ଆସିଗଲା, ଅଖିଳେଶ ଯାଦବ ଏକମାତ୍ର ବ୍ୟକ୍ତି ଥିଲେ ଯିଏ କହିଥିଲେ ଯେ ଏହା ହେଉଛି ମୋଦୀ ଜୀଙ୍କର ଟିକା। ଏହା ହେଉଛି ବିଜେପିର ଟିକା। ମୁଁ କରୋନା ଟିକା ନେବି ନାହିଁ । ଏହି ଟିକା ବିଜେପିର ହୋଇଥିବାବେଳେ ମୁଁ ଏହାକୁ କିପରି ବିଶ୍ୱାସ କରିପାରିବି?’ନଡ୍ଡା କହିଛନ୍ତି ଯେ ଏଭଳି କହି ଅଖିଳେଶ କିଛି ଲୋକଙ୍କୁ ଦ୍ବନ୍ଦ୍ବରେ ପକାଇଥିଲେ |
Sambad is now on WhatsApp
Join and get latest news updates delivered to you via WhatsApp
କିନ୍ତୁ ସେ ନିଜେ ଚୁପଚାପ ଏହି ଟିକା ନେଇଥିଲେ | ନଡ୍ଡା କହିଛନ୍ତି ଯେ ଆପଣ ଜାଣି ଖୁସି ହେବେ ଯେ ଏହି ଭାରତ ଭ୍ୟାକସିନ ମୈତ୍ରୀ ଅଧୀନରେ ୧୦୦ଟି ଦେଶକୁ ୧୮ କୋଟି ଡୋଜ ଟିକା ଦେଇଥିଲା | ୪୮ ଟି ଦେଶକୁ ଅଢେଇ କୋଟି ଟିକା ମାଗଣାରେ ବିତରଣ କରାଯାଇଛି |
ଏହି ଅବସରରେ ନଡ୍ଡା କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ରାଜନୀତିର ସଂସ୍କୃତି ବଦଳାଇ ଦେଇଛନ୍ତି। ପରିବାରବାଦ, ଵଂଶବାଦ, ଦୁର୍ନୀତି ରାଜନୀତିକୁ ବଦଳାଇଦେଇଛନ୍ତି | ପ୍ରଧାନମନ୍ତ୍ରୀ ବିକାଶ ରାଜନୀତି ଆରମ୍ଭ କରିଛନ୍ତି।