ଅସହିଷ୍ଣୁତାର ଅନ୍ୟ ନାମ ମମତା ବାନାର୍ଜୀ, ପଶ୍ଚିମବଙ୍ଗରେ ୨୦୦ରୁ ଅଧିକ ଆସନରେ ବିଜେପି ଜିତିବ : ନଡ୍ଡା
କୋଲକାତା: ମିଶନ ପଶ୍ଚିମବଙ୍ଗ ଲକ୍ଷ୍ୟରେ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା କୋଲକାତାରେ ପହଞ୍ଚିଛନ୍ତି। ବିଜେପି ସଭାପତି ଜେପି ନଡ୍ଡା ଆଜି ଭର୍ଚୁଆଲ ମାଧ୍ୟମରେ କୋଲକାତାରେ ବିଜେପିର ନିର୍ବାଚନ କାର୍ଯ୍ୟାଳୟ ସମେତ ୯ ଟି କାର୍ଯ୍ୟାଳୟର ଉଦଘାଟନ କରିଛନ୍ତି। ଏହି ସମୟରେ ରାଲିକୁ ସମ୍ବୋଧିତ କରିବାବେଳେ ଜେପି ନଡ୍ଡା କହିଛନ୍ତି ଯେ ମମତା ବାନାର୍ଜୀ ଅସହିଷ୍ଣୁତାର ଅନ୍ୟ ଏକ ନାମ। ସମସ୍ତେ ଜାଣନ୍ତି ରବୀନ୍ଦ୍ରନାଥ ଜୀ କିପରି ଦେଶକୁ ଏକ ବାର୍ତ୍ତା ଦେଇଥିଲେ, କିନ୍ତୁ ଆଜି ପଶ୍ଚିମବଙ୍ଗରେ ଅସହିଷ୍ଣୁତା ବୃଦ୍ଧି ପାଇଛି |
Sambad is now on WhatsApp
Join and get latest news updates delivered to you via WhatsApp
ବିଜେପି ସଭାପତି ଜେପି ନଡ୍ଡା କହିଛନ୍ତି ଯେ ପଶ୍ଚିମବଙ୍ଗରେ ବିଜେପି ଦୀର୍ଘ ଦିନ ଧରି ଲଢ଼ିଛି । ବହୁ ବର୍ଷ ପୂର୍ବେ ପଶ୍ଚିମବଙ୍ଗରେ ଆମର ଭୋଟ୍ ୪ ପ୍ରତିଶତ ଥିଲା | ୨୦୧୪ ରେ ଆମର ଆସନ ୨ କୁ ବୃଦ୍ଧି ପାଇଥିଲା ଏବଂ ଆମର ଭୋଟ୍ ପ୍ରତିଶତ ୧୮ ରେ ପହଞ୍ଚିଥିଲା । ୨୦୧୯ ରେ, ଆମର ସିଟ୍ ୧୮ ଥିଲା ଏବଂ ଆମର ଭୋଟ୍ ପ୍ରତିଶତ ୪୦ ରେ ପହଞ୍ଚିଥିଲା |
୨୦୨୧ ନିର୍ବାଚନରେ ବିଜେପି ୨୦୦ ଟି ଆସନ ଜିତିବ। ସୂଚନା ଥାଉ କି ଜେପି ନଡ୍ଡା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଗଡ଼ରୁ ତାଙ୍କର ନିର୍ବାଚନ ମିଶନ ଆରମ୍ଭ କରିବେ। ନଡ୍ଡା ଆଜି ମମତା ବାନାର୍ଜୀଙ୍କ ନିର୍ବାଚନମଣ୍ଡଳୀ ଭବାନିପୁରରେ ଏକ ଜନସମ୍ପର୍କ ସମାବେଶ କରିବେ |