ବିମାନକୁ ମିଛ ବୋମା ଧମକ ଦେଇଥିବା ବ୍ୟକ୍ତିକୁ ଚିହ୍ନଟ କଲା ପୁଲିସ

ନାଗପୁର: ଏକ ବିମାନକୁ ମିଥ୍ୟା ବୋମା ଧମକ ଦେଉଥିବା ଜଣେ ୩୫ ବର୍ଷୀୟ ଯୁବକକୁ ଚିହ୍ନଟ କରିଛି ନାଗପୁର ପୁଲିସ୍ । ତା ନାଁ ଜଗଦୀଶ ବୋଲି ଜଣାପଡ଼ିଛି । ତେବେ ସେ ଏବେ ଫେରାର ଥିବାରୁ ତାକୁ ଧରିବାକୁ ପୁଲିସ ଏବେ ଏକ ସ୍ପେଶାଲ ଟିମ୍ ଗଠନ କରିଛି । 

ଗତ କିଛି ସପ୍ତାହ ହେଲା ବାରମ୍ବାର ବିଭିନ୍ନ ଏୟାରପୋର୍ଟ ଓ ବିମାନକୁ ବୋମା ଧମକ ଆସୁଥିବାରୁ ସାରା ଦେଶରେ ସୁରକ୍ଷା ଏଜେନ୍ସିମାନେ ସତର୍କ ହୋଇଯାଇଛନ୍ତି । ତେବେ ଏସବୁ ଧମକ ଯୋଗୁଁ ଯାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି ହେବା, ବିମାନ ଉଡ଼ାଣ ବିଳମ୍ବ ହେଉଛି ଓ ବିମାନ କମ୍ପାନିମାନଙ୍କର କୋଟି କୋଟି ଟଙ୍କା କ୍ଷତି ହେଉଛି । 

ଗତ କିଛି ସପ୍ତାହ ହେଲା ବାରମ୍ବାର ବିଭିନ୍ନ ଏୟାରପୋର୍ଟ ଓ ବିମାନକୁ ବୋମା ଧମକ ଆସୁଥିବାରୁ ସାରା ଦେଶରେ ସୁରକ୍ଷା ଏଜେନ୍ସିମାନେ ସତର୍କ ହୋଇଯାଇଛନ୍ତି । ତେବେ ଏସବୁ ଧମକ ଯୋଗୁଁ ଯାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି ହେବା, ବିମାନ ଉଡ଼ାଣ ବିଳମ୍ବ ହେଉଛି ଓ ବିମାନ କମ୍ପାନିମାନଙ୍କର କୋଟି କୋଟି ଟଙ୍କା କ୍ଷତି ହେଉଛି । 

ନାଗପୁର ସିଟି ସ୍ପେଶାଲ ସେଲ୍ ଉକ୍ତ ବ୍ୟକ୍ତିଙ୍କ ନାମ ଜଗଦୀଶ ଉଇକେ ବୋଲି ଚିହ୍ନଟ କରିଛି, ଯିଏ ଆତଙ୍କବାଦ ଉପରେ ଏକ ପୁସ୍ତକର ଲେଖକ। ୨୦୨୧ରେ ଅନ୍ୟ ଏକ ମାମଲାରେ ଉକ୍ତ ବ୍ୟକ୍ତିକୁ ଗିରଫ କରାଯାଇଥିଲା। ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି, ଏହି ଧମକପୂର୍ଣ୍ଣ ଇମେଲ୍ ରେ ଉଇକେଙ୍କ ଲିଙ୍କ୍ ଥିବା ଜଣାପଡ଼ିବା ପରେ ସେ ଫେରାର ହୋଇଯାଇଛନ୍ତି। ଡିସିପି ଶ୍ୱେତା ଖେଡକରଙ୍କ ନେତୃତ୍ୱରେ ହୋଇଥିବା ତଦନ୍ତରେ ଉଇକେଙ୍କ ଇମେଲ ସମ୍ପର୍କିତ ବିସ୍ତୃତ ତଥ୍ୟ ସାମ୍ନାକୁ ଆସିଛି।

ଉଇକେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ), ରେଳମନ୍ତ୍ରୀ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉପମୁଖ୍ୟମନ୍ତ୍ରୀ, ଏୟାରଲାଇନ୍ସ କମ୍ପାନୀର କାର୍ଯ୍ୟାଳୟ, ପୋଲିସ ମହାନିର୍ଦ୍ଦେଶକ (ଡିଜିପି) ଏବଂ ରେଳ ସୁରକ୍ଷା ବଳ (ଆରପିଏଫ) ସମେତ ବିଭିନ୍ନ ସରକାରୀ ସଂସ୍ଥାକୁ ଏହି ଧମକପୂର୍ଣ୍ଣ ଇମେଲ୍ ପଠାଇଥିଲେ।