ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ପଛରେ ପକାଇ ଫେସ୍ବୁକ୍ରେ ‘ମୋଷ୍ଟ ପପୁଲାର ଓ୍ଵାଲର୍ଡ ଲିଡର’ ବନିଲେ ନରେନ୍ଦ୍ର ମୋଦୀ
ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ସରିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସୁଛି । ଫେସ୍ବୁକ୍ରେ ନରେନ୍ଦ୍ର ମୋଦୀ ଆମେରିକା ରାଷ୍ଟ୍ରପତି ଡୋନାଲଡ୍ ଟ୍ରମ୍ପକୁ ପଛରେ ପକାଇଥିବା ଜଣାପଡ଼ିଛି । ଟ୍ରମ୍ପଙ୍କୁ ପଛରେ ପକାଇବା ସହ ସେ ଏବେ ବିଶ୍ୱର ବହୁ ଚର୍ଚ୍ଚିତ ପାଲଟି ଯାଇଛନ୍ତି । ଫେସ୍ବୁକ୍ରେ ତାଙ୍କୁ ‘ମୋଷ୍ଟ ପପୁଲାର ଓ୍ଵାଲର୍ଡ ଲିଡର’ ଟ୍ୟାଗ୍ ଦିଆ ଯାଇଥିବା ବେଳେ ଟ୍ରମ୍ପଙ୍କଠାରୁ ବହୁ ଆଗରେ ରହିଛନ୍ତି ମୋଦୀ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫେସ୍ବୁକ୍ରେ ମୋଦୀଜୀ ନିଜ ବ୍ୟକ୍ତିଗତ ପେଜ୍ରେ ୪୩.୫ମିଲିୟନ ଲାଇକ୍ସ ଏବଂ ଅଧିକାରୀକ ପେଜ୍ରେ ୧୩.୭ମିଲିୟନ ଲାଇକ୍ସ ପାଇ ବିଶ୍ୱର ସବୁଠାରୁ ଲୋକପ୍ରିୟ ନେତା ପାଲଟି ଯାଇଛନ୍ତି । ମୋଦୀଙ୍କ ପରେ ଆମେରିକାର ରାଷ୍ଟ୍ରପତି ଡୋନାଲଡ୍ ଟ୍ରମ୍ପଙ୍କ ନାଁ ରହିଛି । ଡୋନାଲଡ୍ ଟ୍ରମ୍ପଙ୍କ ବ୍ୟକ୍ତିଗତ ପେଜ୍ରେ ୨୩ମିଲିୟନ ଲାଇକ୍ସ ମିଳିଥିବା ବେଳେ ତାଙ୍କ ତଳେ ରହିଛି ଜୋର୍ଡାନର ମହାରାଣୀ ରାନିଆଙ୍କ ନାଁ । ମହାରାଣୀ ରାନିଆଙ୍କ ବ୍ୟକ୍ତିଗତ ପେଜ୍ରେ ତାଙ୍କୁ ୧୬.୯ ମିଲିୟନ ଲାଇକ୍ସ ମିଳିଥିବା ଜଣାପଡ଼ିଛି । ଏହି ସୂଚନା ‘୨୦୧୯ ଓ୍ଵାଲର୍ଡ ଲିଡର୍ସ ଅନ୍ ଫେସ୍ବୁକ୍’ ତରଫରୁ ଦିଆ ଯାଇଛି ।