ମୋଦୀଙ୍କୁ ପୁଣି ଟାର୍ଗେଟ କଲେ ସିଦ୍ଧୁ : ଆସିଥିଲେ ଗଙ୍ଗା ମାତାର ପୁଅ ହୋଇ, ଯିବେ ରାଫେଲର ଏଜେଣ୍ଟ ହୋଇ…
ନୂଆଦିଲ୍ଲୀ : କିଛି ଦିନ ତଳେ କଂଗ୍ରେସର ଷ୍ଟାର ପ୍ରଚାରକ ନବ୍ଜୋତ ସିଂହ ସିଦ୍ଧୁଙ୍କ ଗଳା ଖରାପ ଥିବା ନେଇ ଖବର ମିଳିଥିଲା । ପ୍ରଚାର କରି କରି ତାଙ୍କ ଗଳା ଖରାପ ହୋଇଥିବା ନେଇ ଚର୍ଚ୍ଚା ହେଉଥିବା ବେଳେ ପରଦିନ ତାଙ୍କ ପତ୍ନୀ, କଂଗ୍ରେସ ସିଦ୍ଧୁକୁ ପ୍ରଚାର ପାଇଁ ଡ଼ାକୁ ନାହିଁ ବୋଲି କହି ସମସ୍ତଙ୍କୁ ଚମକାଇ ଦେଇଥିଲେ । ତେବେ ଏତେ ସବୁ ଚର୍ଚ୍ଚା ମଧ୍ୟରେ ସିଦ୍ଧୁ ପୁଣି ଥରେ ମୋଦୀଙ୍କୁ ଟର୍ଗେଟ କରିଛନ୍ତି । ହିମାଚଳ ପ୍ରଦେଶକୁ ଦଳର ପ୍ରଚାର କରିବାକୁ ଯାଇଥିବା ବେଳେ ସେ ମୋଦୀଙ୍କୁ କଟାକ୍ଷ କରିଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
Navjot Singh Sidhu, Congress, in Bilaspur, Himachal: Main tumse poochhta hoon Narendra Modi. Rafale deal mein tumne dalali ki ya nahi? Tum behes kar lo Sidhu ke saath saare desh mein kahin pe bhi baith ke. Rahul ji to bahut badi baat hai, wo to top hai, main AK-47 hoon. (15.05) pic.twitter.com/j80TPkVq2c
— ANI (@ANI) May 15, 2019
୨୦୧୪ରେ ମୋଦୀ ମାତା ଗଙ୍ଗାଙ୍କ ପୁଅ ହୋଇ ଆସିଥିଲେ । କିନ୍ତୁ ୨୦୧୯ରେ ରାଫେଲର ଏଜେଣ୍ଟ ହୋଇ ଫେରିବେ । ମୁଁ ଆପଣଙ୍କୁ ପଚାରୁଛି ନରେନ୍ଦ୍ର ମୋଦୀ, ରାଫେଲ ଚୁକ୍ତିରେ ଆପଣ ଲୋକଙ୍କୁ ଠକିଛନ୍ତି କି ନାହିଁ? ସିଦ୍ଧୁ ସହ ଦେଶର କୌଣସି ସ୍ଥାନରେ ବସି ଏ ନେଇ ଯୁକ୍ତି କରନ୍ତୁ । ମୁଁ ଆପଣଙ୍କୁ ଭୁଲ ପ୍ରମାଣିତ କରିଦେବି । ରାହୁଲ ଗାନ୍ଧୀ ତୋପ ହେଲେ ମୁଁ ଏକେ-୪୭ । ଯଦି ମୁଁ ମୋଦୀଙ୍କ ସହ ଯୁକ୍ତି କରି ହାରିଗଲି, ତେବେ ମୁଁ ରାଜନୀତି ଛାଡ଼ି ଦେବି ବୋଲି କହିଛନ୍ତି ସିଦ୍ଧୁ ।