ଭାରତୀୟ ଅଲିମ୍ପିକ୍ସ ସଂଘର ଅଧ୍ୟକ୍ଷ ପଦରୁ ଇସ୍ତଫା ଦେଲେ ନରିନ୍ଦର ବାତ୍ରା
ନୂଆଦିଲ୍ଲୀ: ଭାରତୀୟ ଅଲିମ୍ପିକ୍ ଆସୋସିଏସନର ସଭାପତି ପଦରୁ ନରିନ୍ଦର ବାତ୍ରା ଇସ୍ତଫା ଦେଇଛନ୍ତି। ବାତ୍ରା ୨୦୧୭ରେ ଆନ୍ତର୍ଜାତୀୟ ହକି ଫେଡେରେସନ୍ (FIH) ର ସଭାପତି ହୋଇଥିଲେ | ହକି ଇଣ୍ଡିଆ ପାଣ୍ଠି ସହ ଜଡିତ ୩୫ ଲକ୍ଷ ଟଙ୍କା ଅପବ୍ୟବହାର ଅଭିଯୋଗରେ ସିବିଆଇ ଗତ ମାସରେ ନରିନ୍ଦର ବତ୍ରାଙ୍କ ବିରୋଧରେ ପ୍ରାଥମିକ ତଦନ୍ତ ଆରମ୍ଭ କରିଥିଲା। ବ୍ୟକ୍ତିଗତ ଲାଭ ପାଇଁ ବାତ୍ରା ହକି ଇଣ୍ଡିଆର ପ୍ରାୟ ୩୫ ଲକ୍ଷ ଟଙ୍କା ଖର୍ଚ୍ଚ କରିଥିବା ଅଭିଯୋଗ ହୋଇଥିଲା। ଇସ୍ତଫା ଦେବା ପରେ ବାତ୍ରା କହିଛନ୍ତି ଯେ, ‘ ବର୍ତ୍ତମାନ ସମୟରେ ବିଶ୍ୱ ହକି ଏକ ଗୁରୁତ୍ୱପୂର୍ଣ୍ଣ ବିକାଶ ପର୍ଯ୍ୟାୟ ଦେଇ ଗତି କରୁଛି |
Sambad is now on WhatsApp
Join and get latest news updates delivered to you via WhatsApp
ହକିର ପ୍ରଚାର ସହ ପାଞ୍ଚଟି ଟୁର୍ନାମେଣ୍ଟ ମାଧ୍ୟମରେ ପ୍ରଶଂସକଙ୍କୁ ଆକର୍ଷିତ କରିବା ପାଇଁ ଅଧିକ ସମୟ ଦେବାର ଆବଶ୍ୟକତା ରହିଛି | ମୋତେ ଆନ୍ତର୍ଜାତୀୟ ହକି ଫେଡେରେସନ୍ ପ୍ରତି ଅଧିକ ଧ୍ୟାନ ଦେବା ଆବଶ୍ୟକ | ସେଥିପାଇଁ ମୁଁ ଭାରତୀୟ ଅଲିମ୍ପିକ୍ସ ସଂଘର ଅଧ୍ୟକ୍ଷ ଭାବରେ ମୋର କାର୍ଯ୍ୟକାଳ ବୃଦ୍ଧି ନକରିବାକୁ ନିଷ୍ପତ୍ତି ନେଇଛି | ଯେଉଁମାନେ ମୋତେ ଗତ ଚାରି ବର୍ଷ ମଧ୍ୟରେ ସମର୍ଥନ କରିଛନ୍ତି ମୁଁ ସେମାନଙ୍କୁ ଧନ୍ୟବାଦ ଦେବାକୁ ଚାହେଁ |
ସୂଚନା ଥାଉ କି କିଛି ଦିନ ପୂର୍ବେ ବାତ୍ରାଙ୍କ ଅମଳରେ ହକି ଇଣ୍ଡିଆରେ ଲକ୍ଷ ଲକ୍ଷ ଟଙ୍କା ପାଣ୍ଠି ହଡ଼ପ ହୋଇଥିବା ଅଭିଯୋଗ ହୋଇଥିଲା। ବାତ୍ରା ନିଜ ବ୍ୟକ୍ତିଗତ କାମ ପାଇଁ ହକି ଇଣ୍ଡିଆର ୩୫ ଲକ୍ଷ ଟଙ୍କା ବିନିଯୋଗ କରିଥିବା ମଧ୍ୟ ଅଭିଯୋଗରେ ଦର୍ଶାଯାଇଥିଲା। ଅର୍ଥ ହଡ଼ପ ସହ ବାତ୍ରାଙ୍କ ବିରୋଧରେ ହକି ଇଣ୍ଡିଆର ପରିଚାଳନାରେ ଅଯଥା ହସ୍ତକ୍ଷେପ କରୁଥିବାର ଅଭିଯୋଗ ମଧ୍ୟ ଆସିଥିଲା |