ପୁଣି ସ୍ଥଗିତ ରହିଲା ନାସାର ଚନ୍ଦ୍ର ଅଭିଯାନ
ଫ୍ଲୋରିଡ଼ା : ଆସନ୍ତା ସପ୍ତାହରେ ହେବାକୁ ଥିବା ନାସାର ମାନବବିହୀନ ଚନ୍ଦ୍ର ଅଭିଯାନକୁ ସ୍ଥଗିତ ରଖାଯାଇଛି । ପୂର୍ବ ଦୁଇଥର ଯାନ୍ତ୍ରିକ ତ୍ରୁଟି ଯୋଗୁଁ ଉତକ୍ଷେପଣ ସ୍ଥଗିତ ରହିଥିବାବେଳେ ଏଥର ଖରାପ ପାଗ ଯୋଗୁଁ ଉତକ୍ଷେପଣକୁ ସ୍ଥଗିତ ରଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଟଲାଣ୍ଟିକ ମହାସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ଼ ଇଆନ ଆସନ୍ତା ସୋମବାର ସୁଦ୍ଧା ଏକ ହରିକେନ (ଭୀଷଣ ସାମୁଦ୍ରିକ ଝଡ଼)ରେ ପରିଣତ ହେବ ଓ ଗୁରୁବାର ସୁଦ୍ଧା ଫ୍ଲୋରିଡ଼ା ଉପକୂଳ ଛୁଇଁବାର ସମ୍ଭାବନା ରହିଛି । ଏହି ବାତ୍ୟା ଯୋଗୁଁ ରକେଟ କ୍ଷତିଗ୍ରସ୍ତ ହେବାର ସମ୍ଭାବନା ଥିବାରୁ ରକେଟକୁ ପୁଣି ନିଜ ହାଙ୍ଗରକୁ ଫେରାଇ ନେବାକୁ ନାସାର ଇଂଜିନିୟରମାନେ ଶନିବାରଦିନ ନିଷ୍ପତ୍ତି ନେଇଥିଲେ ।
ପୂର୍ବରୁ ଗତ ଅଗଷ୍ଟ ୩୦ ଓ ସେପ୍ଟେମ୍ବର ୩ରେ ଏହାର ଉତକ୍ଷେପଣକୁ ସ୍ଥଗିତ ରଖାଯାଇଥିଲା ।
ଆର୍ଟେମିସ-୧ ନାମକ ଏହି ଅଭିଯାନ ମଧ୍ୟମରେ ସ୍ପେଶ ଲଞ୍ଚିଂ ସିଷ୍ଟମ (ଏସଏଲଏସ) ରକେଟ୍ ଓରିଅନ ନାମକ କାପସୁଲ ( ମହାକାଶ ଯାନ)କୁ ଚନ୍ଦ୍ରର କକ୍ଷପଥରେ ସ୍ଥାପିତ କରି ଫେରିଆସିବ । ଓରିଅନ ମହାକାଶ ଯାନ ଚନ୍ଦ୍ର ଚାରିପଟେ ୬ ସପ୍ତାହ ବୁଲିବା ପରେ ଶେଷରେ ପୃଥିବୀକୁ ଫେରିଆସିବ ଓ ପ୍ରଶାନ୍ତ ମହାସାଗରରେ ଓହ୍ଲାଇବ । ଏହି ଅଭିଯାନର ୨ୟ ପର୍ୟ୍ୟାୟରେ ଆସନ୍ତା ୨୦୨୫ ସୁଦ୍ଧା ଚନ୍ଦ୍ରରେ ମାନବ ଅବତରଣ ପାଇଁ ଆମେରିକା ଲକ୍ଷ୍ୟ ରଖିଛି ।
ପ୍ରାୟ ୫୦ ବର୍ଷ ତଳେ, ୧୯୭୨ ମସିହାରେ ଆମେରିକାର ଆପୋଲୋ-୧୭ ମହାକାଶ ଯାନ ଚନ୍ଦ୍ରପୃଷ୍ଠରେ ପ୍ରଥମ ଥର ପାଇଁ ମଣିଷକୁ ଓହ୍ଲାଇଥିଲା ।