ନୂଆଦିଲ୍ଲୀ : କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ଆଜି ନୂଆ ସମନ ଜାରି କରିଛି। ଜୁନ୍ ୧୩ ତାରିଖରେ ରାହୁଲ ଇଡିଙ୍କ ନିକଟରେ ହାଜର ହେବାକୁ କୁହାଯାଇଛି। ପୂର୍ବରୁ ଜୁନ୍ ୨ ତାରିଖରେ ରାହୁଲଙ୍କୁ ଇଡିରେ ହାଜର ହେବାକୁ କୁହାଯାଇଥିଲା। କିନ୍ତୁ ସେ ବିଦେଶରେ ଥିବାରୁ ଜୁନ୍ ୫ ପରେ ଅନ୍ୟ ଏକ ତାରିଖରେ ତାଙ୍କୁ ସମନ କରିବାପାଇଁ କହିଥିଲେ। ତେଣୁ ରାହୁଲଙ୍କୁ ୧୩ ତାରିଖରେ ସମନ କରାଯାଇଛି। ଅନ୍ୟପକ୍ଷେ କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଜୁନ୍ ୮ ତାରିଖରେ ହାଜର ହେବାକୁ କୁହାଯାଇଥିଲା। କିନ୍ତୁ ଗତକାଲି ସୋନିଆ କରୋନାରେ ସଂକ୍ରମିତ ହୋଇଛନ୍ତି। ମିଳିଥିବା ସୂଚନାନୁଯାୟୀ ପିଏମ୍ଏଲଏ ଅଧୀନରେ ସୋନିଆ ଏବଂ ରାହୁଲଙ୍କ ବୟାନ ରେକର୍ଡ କରାଯିବ। ତେବେ କଂଗ୍ରେସ ଇଡିର ଏହି ଯାଞ୍ଚ ପ୍ରକ୍ରିୟାକୁ ପ୍ରତିଶୋଧମୂଳକ ରାଜନୀତି ବୋଲି କହିଛି।