ଭାରତରେ ଏକଜିଟ ପୋଲ୍ ଆସିବା ପରେ ଶତ୍ରୁ ଦେଶ ପାକିସ୍ତାନରେ ହାହାକାର : ମେ’ ୧୯ ପରଠାରୁ ମୋଦୀଙ୍କୁ ଗୁଗୁଲରେ ସର୍ବାଧିକ ସର୍ଚ୍ଚ କରିଛନ୍ତି ପାକିସ୍ତାନୀ
ନୂଆଦିଲ୍ଲୀ : ଆସନ୍ତାକାଲି ୨୦୧୯ ଲୋକସଭା ନିର୍ବାଚନର ଫଳାଫଳ ଆସିବାକୁ ଯାଉଛି । ଫଳାଫଳ ପରେ କିଏ ପୁଣି ଥରେ ସରକାର ଗଢ଼ିବ, ତା’ ଉପରେ ସମସ୍ତଙ୍କ ନଜର । ଠିକ୍ ଏତିକି ବେଳେ ପାକିସ୍ତାନୀ ମିଡିଆରେ ମଧ୍ୟ ମୋଦିଙ୍କୁ ନେଇ ଜୋରଦାର ଚର୍ଚ୍ଚା । ତେବେ ଏହି ଚର୍ଚ୍ଚା ଭିତରେ ମୋଦିଙ୍କୁ ନେଇ ପାକିସ୍ତାନୀ ମିଡିଆରେ ଭୟ ବି ଘାରିଛି । ମେ’ ୧୯ ତଥା ଯେଉଁ ଦିନ ବୁଥ ବାହୁଡ଼ା ମତ ଆସିଲା ତା’ପର ଠାରୁ ପାକିସ୍ତାନରେ ମୋଦିଙ୍କୁ ଅଧିକ ସର୍ଚ୍ଚ କରାଯାଇଛି । ଗୁଗଲ ଟ୍ରେଣ୍ଡ ଅନୁସାରେ ନରେନ୍ଦ୍ର ମୋଦିଙ୍କୁ ଭାରତ ଅପେକ୍ଷା ପାକିସ୍ତାନରେ ଅଧିକ ସର୍ଚ୍ଚ କରାଯାଇଛି । ଅର୍ଥାତ ଫଳାଫଳ ଦିନ ପାଇଁ ଭାରତୀୟ ଯେତେ ଉତ୍କଣ୍ଠା ସହ ଅନେଇ ବସିଛନ୍ତି, ତା’ଠାରୁ ଅଧିକ ଆଗ୍ରହ ପାକିସ୍ତାନରେ ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଏକଜିଟ୍ ପୋଲ୍ ଆକଳନରେ ମୋଦି ପୁଣି ଥରେ ସରକାର ଗଠନ କରିବେ ବୋଲି ତଥ୍ୟ ଆସୁଥିବା ବେଳେ ପାକିସ୍ତାନର ସବୁଠାରୁ ଲୋକପ୍ରିୟ ଖବରକାଗଜ ‘ଡନ୍’ ରେ ପାକିସ୍ତାନର ବିଶିଷ୍ଟ ରାଜନୈତିକ ସମୀକ୍ଷକମାନେ ନିଜର ଆଭିମୁଖ୍ୟ ରଖି ଲେଖା ଲେଖିଛନ୍ତି । ଜାହିଦ୍ ହୁସେନ୍ ନାମକ ଜଣେ ବିଶିଷ୍ଟ ରାଜନୈତିକ ସମୀକ୍ଷକ ଲେଖିଛନ୍ତି ,୨୦୧୪ରେ ମୋଦି ଅର୍ଥନୈତିକ ଏଜେଣ୍ଡାକୁ ଧରି ବିପୁଳ ଜନସମର୍ଥନ ପାଇଥିବା ବେଳେ ଏଥର ରାଷ୍ଟ୍ରୀୟ ସୁରକ୍ଷାକୁ ପ୍ରସଙ୍ଗ କରିଛନ୍ତି । ପାକିସ୍ତାନ ସୀମାରେ ପଶି ସର୍ଜିକାଲ୍ ଷ୍ଟ୍ରାଇକ୍ କରିବା ଘଟଣାକୁ ମୋଦି ମୁଖ୍ୟ ଏଜେଣ୍ଡା କରିଛନ୍ତି । ହୁସେନ୍ ଲେଖିଛନ୍ତି ଏହି ଘଟଣା ସତ ହୋଇନଥିଲେ ମଧ୍ୟ ଭାରତୀୟମାନେ ଏହାକୁ ବିଶ୍ୱାସ କରିଛନ୍ତି ।