ନୂଆଦିଲ୍ଲୀ: ଭାରତୀୟ ମେଡିକାଲ ଛାତ୍ରଛାତ୍ରୀମାନଙ୍କ ପାଇଁ ନ୍ୟାସନାଲ ମେଡିକାଲ କମିଶନ ଏବଂ ଡେଣ୍ଟାଲ କାଉନସିଲ ଅଫ୍ ଇଣ୍ଡିଆ ଏକ ଗୁରୁତ୍ୱପୂର୍ଣ୍ଣ ବିଜ୍ଞପ୍ତି ଜାରି କରିଛି। ଏଥିରେ କୁହାଯାଇଛି ଯେ ଅଧ୍ୟୟନ ପାଇଁ ପାକିସ୍ତାନ ଯାଆନ୍ତୁ ନାହିଁ | ଯଦି ପାକିସ୍ତାନରେ ଯାଇ ମେଡିକାଲ ପାଠ୍ୟକ୍ରମ ପଢିବେ ତେବେ ଆପଣ ଭାରତରେ ଚାକିରି କିମ୍ବା ଉଚ୍ଚଶିକ୍ଷା ପାଇଁ ଯୋଗ୍ୟ ହେବେ ନାହିଁ | ଏହାପୂର୍ବରୁ, ୟୁଜିସି ଏବଂ ଏଆଇସିଟିଇ ମଧ୍ୟ ଭାରତୀୟ ଛାତ୍ରମାନଙ୍କୁ ପାକିସ୍ତାନରେ ନ ପଢିବାକୁ ପରାମର୍ଶ ଦେଇ ନୋଟିସ୍ ଜାରି କରିଥିଲେ।
Sambad is now on WhatsApp
Join and get latest news updates delivered to you via WhatsApp
ନ୍ୟାସନାଲ ମେଡିକାଲ କମିଶନ (ଏନଏମସି) ଏବଂ ଡେଣ୍ଟାଲ କାଉନସିଲ ଅଫ ଇଣ୍ଡିଆ (ଡିସିଆଇ) ଭାରତୀୟ ଡାକ୍ତରୀ ଛାତ୍ରମାନଙ୍କୁ ଚେତାଇ ଦେଇ କୁହାଯାଇଛି ଯେ, “ମେଡିକାଲ / ଦନ୍ତ ଶିକ୍ଷା ପାଇଁ ପାକିସ୍ତାନ ଯାଆନ୍ତୁ ନାହିଁ । ପାକିସ୍ତାନର ଯେକୌଣସି ମେଡିକାଲ ଓ ଡେଣ୍ଟାଲ କଲେଜରେ ମେଡିକାଲ / ଦନ୍ତ ପାଠ୍ୟକ୍ରମ ପଢିଲେ ଭାରତରେ ଚାକିରି କିମ୍ବା ଉଚ୍ଚଶିକ୍ଷା ପାଇଁ ଯୋଗ୍ୟ ହେବେ ନାହିଁ। ”
ବିଜ୍ଞପ୍ତିରେ ଆହୁରି କୁହାଯାଇଛି ଯେ ଯେଉଁମାନେ ଡିସେମ୍ବର ୨୦୧୮ ପୂର୍ବରୁ ପାକିସ୍ତାନ ଡିଗ୍ରୀ କଲେଜ ପ୍ରତିଷ୍ଠାନରେ ଯୋଗ ଦେଇଛନ୍ତି ସେମାନଙ୍କ ଉପରେ ଏହି ନିୟମ ଲାଗୁ କରାଯିବ ନାହିଁ | ଅବଶ୍ୟ, ପାକିସ୍ତାନରେ ଡାକ୍ତରୀ ଡିଗ୍ରୀ କିମ୍ବା ଉଚ୍ଚଶିକ୍ଷା ଲାଭ କରିଥିବା ତଥା ଭାରତ ସରକାରଙ୍କ ଦ୍ୱାରା ନାଗରିକତ୍ୱ ପ୍ରାପ୍ତ ପ୍ରବାସୀ ଭାରତୀୟଙ୍କ ପିଲାମାନେ ନ୍ୟାସନାଲ ଏକ୍ଜିଟ୍ ଟେଷ୍ଟରେ ସୁରକ୍ଷା କ୍ଲିୟରାନ୍ସ ପାଇବା ପରେ ଭାରତରେ ଚାକିରି ପାଇବାକୁ ଯୋଗ୍ୟ ହେବେ।