ରୁଷ ଆମର ନଂ୧ ଶତ୍ରୁ : ନାଟୋ
ବ୍ରସେଲ୍ସ : ରୁଷକୁ ନିଜର ନଂ୧ ଶତ୍ରୁ ଘୋଷଣା କରିଛି ଉତ୍ତର ଆଟଲାଣ୍ଟିକ ଚୁକ୍ତି ସଂଗଠନ ବା ନାଟୋ । ନିଜ ସଦସ୍ୟ ଦେଶମାନଙ୍କ ସୁରକ୍ଷା ଓ ଶାନ୍ତି ପାଇଁ ରୁଷ ସବୁଠାରୁ ବଡ଼ ବିପଦ ବୋଲା ନାଟୋ କହିଛି ।
Sambad is now on WhatsApp
Join and get latest news updates delivered to you via WhatsApp
ବୁଧବାର ବସିଥିବା ନାଟୋ ବୈଠକରେ ନାଟୋର ମୁଖ୍ୟ ଜେନ୍ସ ଷ୍ଟୋଲଟେନବର୍ଗ ୟୁକ୍ରେନ ଉପରେ ରୁଷର ଆକ୍ରମଣକୁ ଦ୍ବିତୀୟ ବିଶ୍ବଯୁଦ୍ଧ ପରେ ସବୁଠାରୁ ବଡ଼ ସୁରକ୍ଷା ଚ୍ୟାଲେଞ୍ଜ କହିଛନ୍ତି । ରୁଷର ଏହି ଆକ୍ରମଣ ଫଳରେ ପୂର୍ବ ୟୁରୋପର ଶାନ୍ତି ବ୍ୟାହତ ହୋଇଛି । ଏହାର ମୁକାବିଲା ପାଇଁ ରୁଷକୁ ସବୁପ୍ରକାରର ରାଜନୈତିକ ଓ ବାସ୍ତବିକ ସହୟତା ପ୍ରଦାନ ପାଇଁ ସେ ଆହ୍ବାନ ଜଣାଇଛନ୍ତି ।
କିନ୍ତୁ ଏହି ବୈଠକରେ ଯୋଗ ଦେଇଥିବା ୟୁକ୍ରେନ ରାଷ୍ଟ୍ରପତି ଭୋଲଦୋମିର ଜେଲେନସ୍କି ନାଟୋକୁ ସମାଲୋଚନା କରିଛନ୍ତି । ଯୁଦ୍ଧ ସମୟରେ ୟୁକ୍ରେନକୁ ସଦସ୍. ଭାବେ ଗ୍ରହଣ ନକରିବାକୁ ସେ ସମାଲୋଚନା କରିଛନ୍ତି । ଏହା ସହିତ ରୁଷ ବିରୋଧରେ ଲଢେଇ ପାଇଁ ଅଧିକ ପରିମାଣରେ ଅସ୍ତ୍ରଶସ୍ତ୍ର ଯୋଗାଣ ପାଇଁ ସେ ଅନୁରୋଧ କରିଛନ୍ତି ।
ସୂଚନାଯୋଗ୍ୟ ଯେ ରୁଷ ଗତ ଫେବ୍ରୁଆରି ୨୪ରେ ୟୁକ୍ରେନ ଉପରେ ଆକ୍ରମଣ ଆରମ୍ଭ କରିଥିଲା । ଇତି ମଧ୍ୟରେ ଯୁଦ୍ଧ ଆରମ୍ଭ ହେବାର ୧୦୦ରୁ ଅଧିକ ଦିନ ବିତିଯାଇଥିଲେ ବି ଦିନକୁ ଦିନ ତାହା ଅଧିକ ଭୟଙ୍କର ହୋଇଚାଲିଛି ।