ଅମ୍ରିନ୍ଦର ସିଂହଙ୍କ ପାଇଁ ସିଦ୍ଧୁଙ୍କୁ ପ୍ରଚାର କରିବାକୁ ଡ଼ାକୁ ନାହିଁ କଂଗ୍ରେସ : ପଞ୍ଜାବ ମୁଖ୍ୟମନ୍ତ୍ରୀଙ୍କ ଉପରେ ଗମ୍ଭୀର ଅଭିଯୋଗ ଆଣିଲେ ସିଦ୍ଧୁଙ୍କ ପତ୍ନୀ
ଚଣ୍ଡିଗଡ଼ : ଲୋକସଭା ନିର୍ବାଚନର ୬ଟି ପର୍ଯ୍ୟାୟ ଶେଷ ହୋଇ ସାରିଥିବା ବେଳେ ସପ୍ତମ ପର୍ଯ୍ୟାୟ ପାଇଁ ସବୁ ଦଳ ଜୋରସୋରରେ ପ୍ରଚାର ଆରମ୍ଭ କରି ଦେଇଛନ୍ତି । ସବୁ ଦଳ ନିଜ ନିଜର ଷ୍ଟାର ପ୍ରଚାରକଙ୍କୁ ନେଇ ପ୍ରଚାର ଜାରି ରଖିଛନ୍ତି । ତେବେ ଏ ମଧ୍ୟରେ କଂଗ୍ରେସର ଷ୍ଟାର ପ୍ରଚାରକ ନବ୍ଜୋତ ସିଂହ ସିଦ୍ଧୁଙ୍କ ପତ୍ନୀ ନବ୍ଜୋତ କୌର ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହଙ୍କ ଉପରେ ଗମ୍ଭୀର ଅଭିଯୋଗ ଆଣିଛନ୍ତି । ମଙ୍ଗଳବାର ଗଣମାଧ୍ୟମକୁ ବୟାନ ଦେଇ ସେ କହିଛନ୍ତି, ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହ ଚାହୁଁ ନଥିବାରୁ ସିଦ୍ଧୁଙ୍କୁ ପଞ୍ଜାବରେ ପ୍ରଚାର କରିବାକୁ ଦିଆଯାଉ ନାହିଁ । ତାଙ୍କ ପାଇଁ କଂଗ୍ରେସ ସିଦ୍ଧୁଙ୍କୁ ପ୍ରଚାର କରିବାକୁ ରୋକିଛି ବୋଲି କହିଛନ୍ତି ନବ୍ଜୋତ କୌର ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୋମବାର ୨୦୧୯ ଲୋକସଭା ନିର୍ବାଚନ ପାଇଁ ସିଦ୍ଧୁ ୨୮ଦିନରେ ୮୦ଟି ରାଲିକୁ ସମ୍ବୋଧିତ କରିଥିବାରୁ ତାଙ୍କର ଗଳା ଖରାପ ହୋଇଥିବା ନେଇ ଚର୍ଚ୍ଚା ହୋଇଥିଲା । ଚିକିତ୍ସା ପରେ ଡ଼ାକ୍ତର ତାଙ୍କୁ ଷ୍ଟେରଏଡ୍ ଏବଂ ଅନ୍ୟ ଇଞ୍ଜେକ୍ସନ ଦେଇଛନ୍ତି । ଏହା ସହ କିଛି ଦିନ ଆରାମ କରିବା ପାଇଁ ବି କହିଛନ୍ତି ବୋଲି ସୂଚନା ମିଳିଥିଲା । କିନ୍ତୁ ଆଜି ନବ୍ଜୋତ କୌରଙ୍କ ଏଭଳି ବୟାନ ସମସ୍ତଙ୍କୁ ଚମକାଇ ଦେଇଛି ।