ଇସ୍ତଫା ଡ଼ରରେ ସ୍ୱର ବଦଳାଇଲେ ସିଦ୍ଧୁ : ଅମ୍ରିନ୍ଦର ସିଂହ ମୋ ଠାରୁ ବଡ଼ ଏବଂ ମୁଁ ସବୁ ବେଳେ ତାଙ୍କ ସହ ରହିଛି
ନୂଆଦିଲ୍ଲୀ : ସବୁ ବେଳେ ନିଜ ବିବଦୀୟ ବୟାନ ପାଇଁ ଚର୍ଚ୍ଚାରେ ରହି ଆସିଛନ୍ତି କଂଗ୍ରେସର ଷ୍ଟାର ପ୍ରଚାରକ ନବ୍ଜୋତ ସିଂହ ସିଦ୍ଧୁ । ପ୍ରଥମେ ପ୍ରଥମେ ବିପକ୍ଷ ଦଳ ବିରୋଧରେ ବୟାନବାଜି କରିବା ପରେ ଧିରେ ଧିରେ ସେ ନିଜ ଦଳର ନେତାମାନଙ୍କ ବିପକ୍ଷରେ କହିବା ଆରମ୍ଭ କରିଥିଲେ । ପଞ୍ଜାବର ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହଙ୍କ ବିରୋଧରେ ବୟାନ ନେଇ ବିବାଦରେ ଛନ୍ଦି ହୋଇ ପଡ଼ିଥିଲେ ସିଦ୍ଧୁ । ଯାହା ପରେ ଦଳର ବିଭିନ୍ନ ନେତା ତାଙ୍କର ଇସ୍ତଫା ଦାବି କରିଥିଲେ । ତେବେ ପରିସ୍ଥିତି ଦେଖି ସିଦ୍ଧୁ ନିଜର ସ୍ୱର ବଦଳାଇ ଦେଇଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ଚଣ୍ଡିଗଡ଼ରେ ଏକ ସାମ୍ବାଦିକ ସମ୍ମିଳନୀ କରି, “କ୍ୟାପ୍ଟେନ୍ ମୋ ଠାରୁ ବଡ଼ ଏବଂ ମୁଁ ସବୁବେଳେ ତାଙ୍କ ସହ ଛିଡ଼ା ହୋଇ ରହିବି । ମୁଁ କେବେ କାହା ଉପରେ ଆଙ୍ଗୁଠି ଉଠାଇ ନାହିଁ ଏବଂ କଂଗ୍ରେସର କୌଣସି କାର୍ଯ୍ୟକର୍ତ୍ତା ବିରୋଧରେ କିଛି କହି ନାହିଁ” ବୋଲି କହିଛନ୍ତି ସିଦ୍ଧୁ । ତାଙ୍କର ଏଭଳି ବୟାନ ଶୁଣିବା ପରେ ଇସ୍ତଫା ଡ଼ରରେ ସେ ନିଜର ସ୍ୱର ବଦଳାଇ ଦେଇଥିବା ସ୍ପଷ୍ଟ ବାରି ହୋଇ ପଡ଼ୁଛି ।