ଇସ୍ଲାମାବାଦ : ଦୁର୍ନୀତି ଓ ଆୟ ବହିର୍ଭୁତ ସଂପତ୍ତି ଠୁଳ ଅଭିଯୋଗରେ ପାକିସ୍ତାନର ଏକ କୋର୍ଟ ପୂର୍ବତନ ପ୍ରଧାନମନ୍ତ୍ରୀ ନଓ୍ଵାଜ ସରିଫଙ୍କୁ ୧୦ ବର୍ଷ ଜେଲ ଦଣ୍ଡ ପ୍ରଦାନ କରିଛନ୍ତି । ଏହା ସହିତ ପାକିସ୍ତାନର ଦୁର୍ନୀତି ନିର୍ବାରଣ ସଂସ୍ଥା ଏନଏବିକୁ ସହଯୋଗ କରିନଥିବାରୁ ତାଙ୍କୁ ଆଉ ୧ ବର୍ଷ ଜେଲଦଣ୍ଡ ପ୍ରଦାନ କରାଯାଇଛି । ତେବେ ଉଭୟ ଦଣ୍ଡ ଏକକାଳୀନ ଲାଗୁ ହେବ । ଏଣୁ ସେ ମୋଟ ୧୦ ବର୍ଷ ଜେଲ ଦଣ୍ଡ ପାଇବେ । ଏହା ସହିତ ତାଙ୍କ କନ୍ୟା ମରିୟମ ନଓ୍ଵାଜଙ୍କୁ ୭ ବର୍ଷ ଜେଲ ଦଣ୍ଡ ପ୍ରଦାୱ କରାଯାଇଛି । ନିଜ ପିତାଙ୍କୁ ଦୁର୍ନୀତିରେ ସହଯୋଗ କରିବା ଓ ତଦନ୍ତ ସଂସ୍ଥାକୁ ସହଯୋଗ ନ କରିବା ଅଭିଯୋଗରେ ତାଙ୍କୁ ଆଉ ୧ ବର୍ଷ ଜେଲ ଦଣ୍ଡ ଦିଆଯାଇଛି । କିନ୍ତୁ ଉଭୟ ଦଣ୍ଡ ଏକକାଳୀନ ଲାଗୁ ହେବ । ଏଣୁ ସେ ମୋଟ ୭ ବର୍ଷ ଜେଲ ଦଣ୍ଡ ପାଇବେ ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ଆସିଥିବା ପାନାମା ଗେଟ ଦୁର୍ନୀତିରେ ନଓ୍ଵାଜଙ୍କ ନାଁ ଆସିବା ପରେ ପାକିସ୍ତାନର ସୁପ୍ରିମକୋର୍ଟ ତାଙ୍କୁ ବିତାଡିତ କରିଥିଲେ । ତାଙ୍କ ବିରୋଧରେ ତଦନ୍ତ କରିବାକୁ ଏନଏବିକୁ ନିର୍ଦ୍ଦେଶ ଦେଇଥିଲେ । ଏନଏବିର ଅଭିଯୋଗପତ୍ର ଆଧାରରେ ଆଜି ଏହିଦଣ୍ଡବିଧାନ କରାଯାଇଛି ।
ତେବେ ଏ ସଂପର୍କରେ ପ୍ରତିକ୍ରିୟା ରଖି ନଓ୍ଵାଜଙ୍କ ଭାଇ ସାହାବାଜ ସରିଫ କହିଛନ୍ତି ଯେ ଆଜି ହେଉଛି ପାକିସ୍ତାନ ଇତିହାସରେ ଏକ କଳା ଦିନ । ଅନେକ ବଡ଼ ବଡ଼ ଦୁର୍ନୀତିରେ ଅଭିଯୁକ୍ତ ଖୋଲାର ବୁଲୁଥିବାବେଳେ ନଓ୍ଵାଜ ସରିଫସବୁବେଳେ ଆଇନକୁ ସହଯୋଗ କରିଆସିଛନ୍ତି । କିନ୍ତୁ ତାଙ୍କ ବିରୋଧରେ ଏହା ଏକ ଷଡ଼ଯନ୍ତ୍ର ବୋଲି ସେ କହିଛନ୍ତି ।