ଅଜିତ ପାଓ୍ବାର ମୁଖ୍ୟମନ୍ତ୍ରୀ ହେଲେ ଭଲ ହେବ : ଛଗନ ଭୁଜବଳ

ମୁମ୍ବାଇ: ମହାରାଷ୍ଟ୍ରର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବ ତାକୁ ନେଇ ସସପେନ୍ସ ଜାରି ରହିଥିବା ବେଳେ ଏନସିପି ନେତା ଛଗନ ଭୁଜବଳ ରବିବାର ତାଙ୍କ ଦଳର ମୁଖ୍ୟ ଅଜିତ ପାୱାରଙ୍କ ନାଁ ଆଗକୁ ଆଣିଛନ୍ତି।  ଭୁଜବଳ କହିଛନ୍ତି ଯେ ତିନି ଦଳ ଏକାଠି ବସି ଆମ ନେତା କିଏ ହେବ ତାହା ସ୍ଥିର କରିବେ। ଆମେ ଏକାଠି ବସି ନିଷ୍ପତ୍ତି ନେବୁ ମୁଖ୍ୟମନ୍ତ୍ରୀ କିଏ ହେବ। ତେବେ ଅଜିତ ପାୱାର ମଧ୍ୟ ମୁଖ୍ୟମନ୍ତ୍ରୀ ହୋଇପାରନ୍ତି। ତାଙ୍କର ଷ୍ଟ୍ରାଇକ୍ ରେଟ୍ ବହୁତ ଭଲ।

ମୁଖ୍ୟମନ୍ତ୍ରୀଙ୍କ ଚେହେରା ସମ୍ପର୍କରେ ପଚରାଯିବାରୁ ସେ କହିଛନ୍ତି ଯେ ତିନି ଦଳର ନେତା ଏକାଠି ବସି ମୁଖ୍ୟମନ୍ତ୍ରୀଙ୍କ ବିଷୟରେ ନିଷ୍ପତ୍ତି ନେବେ । ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ଏବଂ ଅମିତ ଶାହା ଏ ନେଇ ନିଷ୍ପତ୍ତି ନେବେ । ଫଡନାଭିସ, ସିନ୍ଦେ ଏବଂ ଦାଦା (ଅଜିତ ପାୱାର) ସମସ୍ତେ ମୁଖ୍ୟମନ୍ତ୍ରୀ ପଦ ସମ୍ଭାଳିବାକୁ ସକ୍ଷମ।

ଶନିବାର ଫଳାଫଳ ପ୍ରକାଶ ପାଇଥିବା ୨୮୮ ଟି ବିଧାନସଭା ନିର୍ବାଚନ ମଣ୍ଡଳୀ ମଧ୍ୟରୁ ଶାସକ ମହାବିକାଶ ଆଘାଡି ୨୩୦ ଟି ଆସନ ହାସଲ କରିଛି । ବିଜେପି ୧୩୨ ଟି ଆସନ ଜିତିଥିବା ବେଳେ ଏହାର ସହଯୋଗୀ ଶିବସେନା ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନା ୫୭ ଟି ଆସନ ଏବଂ ଅଜିତ ପାୱାରଙ୍କ ନେତୃତ୍ୱାଧୀନ ଏନସିପି ୪୧ ଟି ଆସନ ରେ ବିଜୟୀ ହୋଇଛି।