ମୁମ୍ବାଇ: ବଲିଉଡ ଅଭିନେତା ଶାହରୁଖ ଖାନ ନୂତନ ସଂସଦ ଭବନର ଉଦଘାଟନକୁ ନେଇ ଏକ ଭିଡିଓ ସେୟାର କରି ଖୁସି ବ୍ୟକ୍ତ କରିଛନ୍ତି। ଆଉ ଏବେ କିଙ୍ଗ ଖାନଙ୍କ ଏହି ଭିଡିଓକୁ ନେଇ ବର୍ତ୍ତମାନ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ଏହା ଉପରେ ଜବାବ ଦେଇ କହିଛି ଯେ ମହାରାଷ୍ଟ୍ରର ବିଜେପି ନେତାମାନେ ଆଉ ଶାହରୁଖ ଖାନଙ୍କ ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିବେ ନାହିଁ। ଗୋଟିଏ ଦିନ ପୂର୍ବରୁ ଅଭିନେତା ଶାହରୁଖ ଖାନ ଏକ ଭିଡିଓ ସହ ଟୁଇଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ନୂତନ ସଂସଦ ଭବନ ଉଦଘାଟନୀ ଉତ୍ସବକୁ ନେଇ ଖୁସି ବ୍ୟକ୍ତ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
Now that Shahrukh Khan has spoken in favour of the New Parliament building, we will soon see @BJP4Maharashtra leaders genuflecting in front of him and not calling for a ban on his films.@iamsrk
— Clyde Crasto – क्लाईड क्रास्टो (@Clyde_Crasto) May 28, 2023
ଶାହରୁଖ ଟ୍ୱିଟ କରିଥିଲେ ଯେ, ‘ଏହି ମହାନ ଦେଶର ପ୍ରତ୍ୟେକ ନାଗରିକଙ୍କୁ ପ୍ରତିନିଧିତ୍ୱ କରୁଥିବା ଲୋକଙ୍କ ପାଇଁ ଚମତ୍କାର ନୂତନ ଭବନ | ଜୟ ହିନ୍ଦ, ମୋର ସଂସଦ, ମୋର ଗର୍ବ’। ଏବେ ଏହାକୁ ନେଇ ଏନସିପି ଜାତୀୟ ମୁଖପାତ୍ର କ୍ଲାଇଡ କ୍ରେଷ୍ଟୋ ଟ୍ୱିଟ କରି କହିଛନ୍ତି ଯେ ବର୍ତ୍ତମାନ ଶାହରୁଖ ଖାନ ନୂତନ ସଂସଦ ଭବନକୁ ସମର୍ଥନ କରିଛନ୍ତି | ତେଣୁ ଆମେମାନେ ଖୁବ ଶୀଘ୍ର ମହାରାଷ୍ଟ୍ର ବିଜେପିର ନେତାଙ୍କୁ ତାଙ୍କ ଆଗରେ ପ୍ରଣାମ କରୁଥିବାର ଦେଖିବୁ | ଆଉ ବିଜେପି ନେତାମାନେ ଶାହରୁଖଙ୍କ ଚଳଚ୍ଚିତ୍ର ଉପରେ ବ୍ୟାନ ଲଗାଇବାକୁ ଦାବି କରିବେ ନାହିଁ |