ନୂଆଦିଲ୍ଲୀ: ‌କିଭଳି ଜଟିଳ ପରିସ୍ଥିତିରେ ଯବାନମାନେ ନିଜ ଜୀବନକୁ ବାଜି ଲଗାଇ ଶୀତ, ବର୍ଷା ଓ ଖରାରକୁ ଖାତିର ନକରି ଦେଶର ରକ୍ଷା କରୁଛନ୍ତି ତାହାର ଅନେକ ଭିଡିଓ ସୋସିଆଲ ମିଡିଆରେ ପୋଷ୍ଟ ହୋଇଥାଏ। ଏହି କ୍ରମରେ ଯବାନଙ୍କ ଆଉ ଏକ ଭିଡିଓ ସାମ୍ନାକୁ ଆସିଛି। ଆମେ ଥଣ୍ଡାରୁ ରକ୍ଷା ପାଇବା ପାଇଁ ଘରେ କବାଟ ଝରକା ଦେଇ ରହୁଥିବା ବେଳେ ଯବାନମାନେ କିଭଳି ପ୍ରବଳ ଥଣ୍ଡାରେ ଆଣ୍ଠୁଏ ଆଣ୍ଠୁଏ ବରଫ ଭିତରେ ପଶି ଦେଶର ରକ୍ଷା କରୁଛନ୍ତି ତାହା ଏହି ଭିଡିଓରେ ଦେଖିବାକୁ ମିଳୁଛି।

Advertisment

ମେଜର ଜେନେରାଲ ରାଜୁ ଚୌହ୍ବାନ ଟୁଇଟରରେ ରାଇଫଲ ସହିତ ପ୍ରବଳ ବରଫ ଭିତରେ ଯବାନମାନେ କିଭଳି ପେଟ୍ରୋଲିଂ କରୁଛନ୍ତି ତାହାର ଏକ ଭିଡିଓ ପୋଷ୍ଟ କରିଛନ୍ତି। ତେବେ ଏହି ଭିଡିଓଟି କେଉଁ ସମୟର କି କେଉଁ ସ୍ଥାନର ତାହା ରିପୋର୍ଟ ଲେଖା ହେଲା ପର୍ଯ୍ୟନ୍ତ ସ୍ପଷ୍ଟ ହୋଇ ପାରି ନଥିଲା।

ତେବେ ପୋଷ୍ଟ ହୋଇଥିବା ଭିଡିଓରେ ଏକ ସେନାର ଯବାନମାନେ ଆଣ୍ଠୁଏ ଆଣ୍ଠୁଏ ବରଫ ଭିତରେ ପଶି ପେଟ୍ରୋଲିଂ କରୁଥିବା ଦେଖିବାକୁ ମିଳୁଛି। ତେବେ ସବୁଠାରୁ ବିଶେଷ କଥା ହେଉଛି ଏଭଳି ଜଟିଳ ପରିସ୍ଥିତିରେ ଥାଇ ବି ଯବାନଙ୍କ ମୁଖରେ ହସ ଦେଖିବାକୁ ମିଳୁଛି। କାରଣ ସେମାନେ ଦେଶ ମା’ ପାଇଁ କାମ କରୁଛନ୍ତି।