ଶିଶୁ ଦୁଷ୍କର୍ମକାରୀଙ୍କୁ ରାଜକ୍ଷମା ଆବେଦନ କରିବାର ଅଧିକାର ମିଳିବା ଉଚିତ ନୁହେଁ : ରାଷ୍ଟ୍ରପତି
ନିର୍ଭୟା ଦୁଷ୍କର୍ମ ଅଭିଯୁକ୍ତର ରାଜକ୍ଷମା ଆବେଦନ ଖାରଜ କଲା କେନ୍ଦ୍ର ଗୃହମନ୍ତ୍ରାଳୟ
ନୂଆଦିଲ୍ଲୀ : ଦେଶରେ ନାରୀ ଦୁଷ୍କର୍ମକୁ ନେଇ ପ୍ରବଳ ଜନଅସନ୍ତୋଷ ଜାରି ରହିଥିବାବେଳେ ରାଷ୍ଟ୍ରପତି ରାମନାଥ କୋବିନ୍ଦ ଏକ ଗୁରୁତ୍ୱପୂର୍ଣ୍ଣ ମତ ଦେଇଛନ୍ତି । ସେ କହିଛନ୍ତି ଯେ ଶିଶୁ ଦୁଷ୍କର୍ମକାରୀଙ୍କ ଲାଗି ରାଜକ୍ଷମା ଆବେଦନର କୌଣସି ବ୍ୟବସ୍ଥା ରହିବା ଉଚିତ ନୁହେଁ । ପକ୍ସୋ ଆଇନରେ ଦୋଷୀ ସାବ୍ୟସ୍ତ ହୋଇଥିବା ଅପରାଧୀମାନଙ୍କୁ ରାଜକ୍ଷମା ଆବେଦନ କରିବାକୁ ଅନୁମତି ଦିଆନଯାଉ ।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନରେ ଅନୁଷ୍ଠିତ ଏକ ସଭାରେ ଉଦବୋଧନ ଦେବାବେଳେ ସେ କହିଛନ୍ତି ଯେ ଆମ ଦେଶରେ ନାରୀ ସୁରକ୍ଷା ଏକ ଅତି ଗୁରୁତ୍ୱପୂର୍ଣ୍ଣ ବିଷୟ । ପକ୍ସୋ ଆଇନରେ ଦୋଷୀ ସାବ୍ୟସ୍ତ ହୋଇଥିବା ଅପରାଧୀମାନଙ୍କୁ ରାଜକ୍ଷମା ଆବେଦନ କରିବାର ଅଧିକାର ମିଳିବା ଉଚିତ କି ନୁହେଁ, ତାହା ସଂସଦ ବିଚାର କରୁ ।
ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମେ, ୨୦୧୨ ନିର୍ଭୟା ଦୁଷ୍କର୍ମମାମଲାର ଅଭିଯୁକ୍ତ ବିନୟ ଶର୍ମାର ରାଜକ୍ଷମା ଆବେଦନକୁ କେନ୍ଦ୍ର ଗୃହମନ୍ତ୍ରାଳୟ ଖାରଜ କରିଦେଇଛି । ପୂର୍ବରୁ ଦିଲ୍ଲୀ ସରକାର ଏହି ରାଜକ୍ଷମା ଆବେଦନକୁ ଖାରଜ କରି ଗୃହମନ୍ତ୍ରାଳୟକୁ ପ୍ରେରଣ କରିଥିଲେ । ଗୃହ ମନ୍ତ୍ରାଳୟ ଦିଲ୍ଲୀ ସରକାରଙ୍କ ନିଷ୍ପତ୍ତିକୁ କାଏମ ରଖି ତାହାକୁ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟକୁ ପଠାଇଦେଇଛି ।