ତୁଟିଲା ନିଟ୍-ପିଜି କାଉନସେଲିଂ ଅଡୁଆ, ଜାନୁଆରି ୧୨ରୁ ଆରମ୍ଭ ହେବ
ନୂଆଦିଲ୍ଲୀ: ନିଟ୍-ପିଜି କାଉନସେଲିଂ ଚଳିତମାସ ୧୨ ତାରିଖରୁ ଆରମ୍ଭ ହେବାକୁ ଯାଉଛି । ଏନେଇ ନିଜେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ ସୂଚନା ଦେଇଛନ୍ତି । ସେ ଟ୍ୱିଟ୍ ଯୋଗେ ସୂଚନା ଦେଇଛନ୍ତି କି, ଘରୋଇ ଡାକ୍ତରଙ୍କୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଦ୍ୱାରା ଦିଆଯାଇଥିବା ଆଶ୍ୱାସନା ମୁତାବକ ମାନନୀୟ ସୁପ୍ରିମକୋର୍ଟଙ୍କ ଆଦେଶ ପରେ ଏମସିସି ଦ୍ୱାରା ନିଟ-ପିଜି କାଉନସେଲିଂ ଜାନୁଆରି ୧୨ ତାରିଖରୁ ଆରମ୍ଭ ହେବାକୁ ଯାଉଛି । ଏହାଦ୍ୱାରା କରୋନା ଯୁଦ୍ଧରେ ଦେଶର ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ ହୋଇପାରିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
रेसीडेंट डॉक्टरस को स्वास्थ्य मंत्रालय द्वारा दिए आश्वासन अनुसार, माननीय सर्वोच्च न्यायालय के आदेश के बाद MCC द्वारा NEET-PG काउन्सलिंग 12 जनवरी 2022 से शुरू की जा रही है।
इससे कोरोना से लड़ाई में देश को और मज़बूती मिलेगी। सभी उम्मीदवारों को मेरी शुभकामनाएं।
— Dr Mansukh Mandaviya (@mansukhmandviya) January 9, 2022
ଉଲ୍ଲେଖଯୋଗ୍ୟ, କିଛିଦିନ ତଳେ କୋର୍ଟ ନିଟ-ୟୁଜି ଓ ପିଜିରେ ଓବିସିଙ୍କ ପାଇଁ ୨୭ ପ୍ରତିଶତ ଓ ଇଡବ୍ଲ୍ୟଏସ ପାଇଁ ୧୦ ପ୍ରତିଶତ ସଂରକ୍ଷଣ ପ୍ରଦାନ କରିବାକୁ କେନ୍ଦ୍ରର ନିଷ୍ପତ୍ତିକୁ ଗ୍ରହଣ କରି ନିଟ୍ କାଉନସେଲିଂ ଆରମ୍ଭ କରିବା ନେଇ ଥିବା ଅସୁବିଧାକୁ ଦୂର କରିଛନ୍ତି । ଏହାପରେ ମେଡିକାଲ କାଉନସେଲିଂ କମିଟି ତରଫରୁ ନିଟ ୟୁଜି ଓ ପିଜି କାଉନସେଲିଂ ୨୦୨୧ ନେଇ ଏକକ ନୋଟିସ ଜାରି କରିଛି । ମେଡିକାଲ କାଉନସେଲିଂ କମିଟି ଦ୍ୱାରା ଜାରି କରାଯାଇଥିବା ନୋଟିସରେ ଛାତ୍ରଛାତ୍ରୀମାନଙ୍କୁ ସୁପ୍ରିମକୋର୍ଟଙ୍କ ନିଷ୍ପତ୍ତି ବାବଦରେ ଅବଗତ କରାଯାଇଛି । ଏହାସହ ଆଶ୍ୱାସନା ଦିଆଯାଇଛି କି କାଉନସେଲିଂର ସିଡ୍ୟୁଲ ଅଫିସିଆଲ ୱେବସାଇଟରେ ଜାରି କରାଯିବ ।