କାଠମାଣ୍ଡୁ: ନେପାଳରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି | ଗତ ୨୪ ଘଣ୍ଟା ମଧ୍ୟରେ ନେପାଳର ବିଭିନ୍ନ ଜିଲ୍ଲାରେ ବର୍ଷା ଜନିତ ବନ୍ୟା ଏବଂ ଭୂସ୍ଖଳନ ହେତୁ ୪୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଛି। ଏଥି ସହିତ ନେପାଳର ସିନ୍ଧୁପାଲଚୋକ୍ ଜିଲ୍ଲାରେ ବନ୍ୟା ଯୋଗୁଁ ଅତି କମରେ ଦୁଇ ଜଣଙ୍କର ମୃତ୍ୟୁ ଘଟିଛି। ପୁଲିସ ଦେଇଥିବା ସୂଚନା ମୁତାବକ, ନେପାଳ ଏବଂ ଚୀନ୍ ମଧ୍ୟରେ ଥିବା ତତୋପାନି-ଝାଙ୍ଗମୁ ସୀମାକୁ ସଂଯୋଗ କରୁଥିବା ରାସ୍ତା ମଧ୍ୟ ବନ୍ୟା ଓ ଭୂସ୍ଖଳନ ଯୋଗୁଁ କ୍ଷତିଗ୍ରସ୍ତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସେହିପରି ବାରହାବିସେ ନଗରପାଳିକା ଅଞ୍ଚଳରେ ପ୍ରାୟ ୧୪ ଜଣ ନିଖୋଜ ଅଛନ୍ତି | ସେହିପରି ଭୋଟେକୋସି ମ୍ୟୁନିସିପାଲିଟିରେ ମଧ୍ୟ ଦୁଇ ଜଣ ନିଖୋଜ ହୋଇଯାଇଛନ୍ତି | ଯେହେତୁ ନିଖୋଜ ବ୍ୟକ୍ତିଙ୍କ ସଂଖ୍ୟା ବଢୁଛି ତେଣୁ ମୃତକଙ୍କ ସଂଖ୍ୟା ମଧ୍ୟ ବଢିପାରେ ବୋଲି ଆଶଙ୍କା କରାଯାଉଛି | ସେହିପରି ନେପାଳର ରାଜଧାନୀ କାଠମାଣ୍ଡୁକୁ-ଚୀନ୍ ସୀମା ସହିତ ସଂଯୋଗ କରୁଥିବା ଆରାନିକୋ ରାଜପଥ ମଧ୍ୟ ଏହି ବର୍ଷା ଯୋଗୁଁ କ୍ଷତିଗ୍ରସ୍ତ ହୋଇଛି |