ନୂଆଦିଲ୍ଲୀ : ଦୁଇ ଚକିଆ ଯାନ ଚାଳକମାନେ ଠିକ ଭାବେ ହେଲମେଟ ନ ପିନ୍ଧିଲେ ଅଥବା ହେଲମେଟଟି ବିଆଇଏସ ମାର୍କା ହୋଇନଥିଲେ ୨ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡ଼ିପାରେ । କେବଳ ଏତିକି ନୁହେଁ, ସଂପୃକ୍ତ ଚାଳକଙ୍କ ଡ୍ରାଇଭିଂ ଲାଇସେନ୍ସକୁ ୩ ମାସ ପାଇଁ ବାତିଲ କରିଦିଆଯାଇପାରେ । ମୋଟର ଯାନ ଆଇନ ୧୯୯୮ର ଧାରା ୧୨୯ରେ ଏକ ନୂଆ ସଂଶୋଧନ ଆଣି ସରକାର ଏହି ନିୟମ ଲାଗୁ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନୂଆ ନିୟମ ଅନୁସାରେ, ଦୁଇଚକିଆ ଯାନ ଚଳାଇବା ବେଳେ କେବଳ ଯେ ମୁଣ୍ଡରେ ହେଲମେଟ ଗଳାଇଦେଲେ ଆପଣ ଜୋରିମାନା ଦେବାରୁ ବର୍ତ୍ତିଯିବେ ତାହା ନୁହେଁ, ବରଂ ଆପଣଙ୍କୁ ହେଲମେଟ ଠିକ ଭାବରେ ପିନ୍ଧିବାକୁ ପଡ଼ିବ ଓ ହେଲମେଟ ବ୍ୟୁରୋ ଅଫ ଇଣ୍ଡିଆନ ଷ୍ଟାଣ୍ଡାର୍ଡସ (ବିଆଇଏସ) (କିମ୍ବା ଆଇଏସଆଇ) ମାର୍କା ହେବା ବାଧ୍ୟତାମୂଳକ । ହେଲମେଟ ଯଦି ଆଇଏସଆଇ କିମ୍ବା ବିଆଇଏସ ମାର୍କା ନୁହେଁ, ତେବେ ୧ ହଜାର ଟଙ୍କା ଜୋରିମାନା ପଡିବ । ସେହିପରି ଆପଣ ଯଦି ହେଲମେଟ ପିନ୍ଧିଛନ୍ତି କିନ୍ତୁ ତାହାର ବକଲ ଅଥବା ବେଲଟକୁ ଠିକଭାବେ ଲକ୍ କରିନାହାନ୍ତି ତେବେ ୧ ହଜାର ଟଙ୍କା ଜରିମନା ଦେବାକୁ ପଡ଼ିପାରେ । ପୁଣି ଯଦି ହେଲମେଟ ଠିକ ଭାବେ ପିନ୍ଧି ମଧ୍ୟ ଆପଣ ରେଡ ଲାଇଟ୍ ଅତିକ୍ରମ କରିଗଲେ, ତେବେ ୨ ହଜାର ଟଙ୍କା ଜୋରିମାନା ଦେବାକୁ ପଡ଼ିବ ।