ସିଗେରୁ ଇସିବା ହେବେ ଜାପାନର ନୂଆ ପ୍ରଧାନମନ୍ତ୍ରୀ

ଟୋକିଓ : ଜାପାନର ଏଲଡିପି ନିର୍ବାଚନରେ ଶିଗେରୁ ଇଶିବା ବିଜୟୀ ହୋଇଛନ୍ତି। ଫଳରେ ଫୁମିଓ କିସିଦାଙ୍କ ସ୍ଥାନରେ ସେ ଜାପାନର ପ୍ରଧାନମନ୍ତ୍ରୀ ଭାବେ ଦାୟିତ୍ୱ ନେବାକୁ ଯାଉଛନ୍ତି । ଗତ ମାସରେ ଫୁମିଓ କିସିଦା ଇସ୍ତଫା ଦେଇଥିଲେ । 

ଦ୍ବିତୀୟ ରାଉଣ୍ଡ ମତଦାନରେ ଶିଗେରୁ ଇଶିବା କଠୋର ଜାତୀୟତାବାଦୀ ସାନେତକେ ଟାକାଇଚିଙ୍କୁ ପରାସ୍ତ କରିଛନ୍ତି। ଏହା ଦଶନ୍ଧି ମଧ୍ୟରେ ସବୁଠାରୁ ଅପ୍ରତ୍ୟାଶିତ ନେତୃତ୍ୱ ନିର୍ବାଚନ ଭାବରେ ବିବେଚନା କରାଯାଉଛି, ଯେଉଁଥିରେ ରେକର୍ଡ ୯ ଜଣ ପ୍ରାର୍ଥୀ ମୈଦାନକୁ ଓହ୍ଲାଇଥିଲେ। ବିଶ୍ବଯୁଦ୍ଧ ପରବର୍ତ୍ତୀ ସମୟରେ ଜାପାନ ଉପରେ ପ୍ରାୟ ସମଗ୍ର ସମୟ ଶାସନ କରିଥିବା ଏଲଡିପିର ନେତା ସଂସଦରେ ସଂଖ୍ୟାଗରିଷ୍ଠତା କାରଣରୁ ଏବେ ଜାପାନର ପ୍ରଧାନମନ୍ତ୍ରୀ ହେବା ପ୍ରାୟ ନିଶ୍ଚିତ ହୋଇଯାଇଛି। 

ବର୍ତ୍ତମାନର ପ୍ରଧାନମନ୍ତ୍ରୀ ଫୁମିଓ କିସିଦାଙ୍କ ସ୍ଥାନରେ ନୂଆ ନେତା ବାଛିବା ପାଇଁ ପ୍ରତିଦ୍ୱନ୍ଦ୍ୱିତା ଅଗଷ୍ଟମାସରେ ଆରମ୍ଭ ହୋଇଥିଲା ଯେତେବେଳେ ସେ ଅନେକ ଦୁର୍ନୀତି କାରଣରୁ ଇସ୍ତଫା ଘୋଷଣା କରିଥିଲେ, ଯାହା ଫଳରେ ଲିବରାଲ ଡେମୋକ୍ରାଟିକ୍ ପାର୍ଟି (ଏଲଡିପି)ର ଅନୁମୋଦନ ରେଟିଂ ରେକର୍ଡ ନିମ୍ନସ୍ତରକୁ ଖସି ଆସିଥିଲା। ପ୍ରଧାନମନ୍ତ୍ରୀ ଭାବରେ, ଶିଗେରୁ ଇଶିବାଙ୍କୁ ବଢୁଥିବା ଦରଦାମକୁ ନିୟନ୍ତ୍ରଣ କରିବାକୁ ପଡିବ ଏବଂ ପୂର୍ବ ଏସିଆରେ ଦେଖାଦେଇଥିବା ଅସ୍ଥିର ସୁରକ୍ଷା ବାତାବରଣର ସମାଧାନ କରିବାକୁ ପଡିବ, ଯାହାକି ଚୀନର ବଢୁଥିବା ଦୃଢ଼ତା ଏବଂ ଉତ୍ତର କୋରିଆର ପରମାଣୁ ଅସ୍ତ୍ରଶସ୍ତ୍ର ଦ୍ୱାରା ଉଗ୍ର ରୂପ ଧାରଣ କରିଛି ।