ଦିଲ୍ଲୀବାସୀଙ୍କ ପାଇଁ ବାହାଘର ସଂପର୍କୀତ ନୂଆ ନିୟମ ଜାରି କରିବେ ସରକାର

ନୂଆଦିଲ୍ଲୀ: ଦିଲ୍ଲୀବାସୀଙ୍କ ପାଇଁ ବାହାଘର ସଂପର୍କୀତ ନୂଆ ନିୟମ ଜାରି କରିବାକୁ ଦିଲ୍ଲୀ ସରକାର ଯୋଜନା କରୁଛନ୍ତି। ତାହା ଅନୁଯାୟୀ ବାହାଘର ପାଇଁ ଦିଲ୍ଲୀର କୌଣସି ଫାର୍ମ ହାଉସ୍‌, ମୋଟେଲ ବା ହୋଟେଲ୍‌ରେ ବିବାହ ଉତ୍ସବ ପାଇଁ ଆପଣ କେତେ ଅତିଥିଙ୍କୁ ଡାକିପାରିବେ,ତାର ନିଷ୍ପତ୍ତି ବାହାଘରର ଫ୍ଲୋର ଏରିଆ ଓ ଏହାର ପାର୍କିଂ କ୍ଷମତା ଉପରେ ସ୍ଥିରୀକୃତ ହେବ।

ଖାଲି ସେତିକି ନୁହେଁ,ଦିଲ୍ଲୀ ସରକାରଙ୍କ ପକ୍ଷରୁ ଖାଦ୍ୟ ଓ ଜଳ ନଷ୍ଟକୁ ରୋକିବା ଲାଗି ଏକ ନୂଆ ନୀତି ମଧ୍ୟ ନିର୍ଦ୍ଧାରିତ ହେବ। ବିବାହ ସ୍ଥଳ ବାହାରେ ବାହାଘରର ରାତି ସଂପନ୍ନ କରିବାକୁ ,ବ୍ୟାଣ୍ଡ ବରଯାତ୍ରା ଓ ଘୋଡା ଗାଡି ଆଦିର ଅନୁମତି ମିଳିବ ନାହିଁ। ତା’ଛଡା ବଳକା ଖାଦ୍ୟ ଗରିବ ଲୋକଙ୍କୁ ବଣ୍ଟାଯିବାର ମଧ୍ୟ ଯୋଜନା କରାଯାଇଛି।

ଏସଂପର୍କରେ ମାର୍ଚ୍ଚ ୧୮ ତାରିଖ ପୂର୍ବରୁ ଦିଲ୍ଲୀ ଜନତାଙ୍କ ରାୟ ନେବାକୁ ଚାହୁଁଛନ୍ତି ଦିଲ୍ଲୀ ସରକାର। ଯଦି ଅଧିକାଂଶ ଲୋକ ଏହାର ସପକ୍ଷରେ ମତ ଦେବେ ତେବେ ସରକାର ଏହି ଯୋଜନାକୁ ଲାଗୁ କରିବେ ବୋଲି ଜଣାଯାଇଛି।