‘ଖେଲା ହୋବେ’ ପରେ ‘ଘରର ଝିଅ ଭବାନୀପୁରରେ’ ଧ୍ବନିରେ କମ୍ପିବ ପଶ୍ଚିମବଙ୍ଗ
କୋଲକାତା: ଭବାନୀପୁରରେ ବିଜୟର ବାନା ଉଡାଇବା ପାଇଁ ଏବେ ଜୋରଦାର ପ୍ରସ୍ତୁତି ଆରମ୍ଭ କରିଦେଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ | ଗତ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ‘ବାଙ୍ଗଲା ନିଜର ମେୟେ କେଇ ଚାୟ (ବଙ୍ଗଳା କେବଳ ଏହାର ଝିଅକୁ ଚାହୁଁଛି) ସହ ଖେଲା ହୋବେ ସ୍ଲୋଗାନ ଦେଇ ରାଜ୍ୟରେ କ୍ଷମତା ହାସଲ କରିଥିଲା | ଆଉ ଭବାନୀପୁର ଉପନିର୍ବାଚନ ପାଇଁ ଏବେ ଟିଏମସି ନୂଆ ସ୍ଲୋଗାନ ପ୍ରସ୍ତୁତ କରିଛି |
Sambad is now on WhatsApp
Join and get latest news updates delivered to you via WhatsApp
ଏହି ସ୍ଲୋଗାନଟି ହେଉଛି – ‘ଉନ୍ନୟନ୍ ଘରେ ଘରେ, ଘରେର ମେୟେ ଭବାନୀପୁରେ’ (ବିକାଶ ଘରେ ଘରେ, ଘରର ଝିଅ ଭବାନୀପୁରରେ) । ସୂଚନାଯୋଗ୍ୟ ଯେ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରିବେ। ଆସନ୍ତା ସେପ୍ଟେମ୍ବର ୩୦ ତାରିଖରେ ଭବାନୀପୁରରେ ମତଦାନ ଅନୁଷ୍ଠିତ ହେବ | ଆଉ ଆଜିଠାରୁ ଏହି ନୂଆ ସ୍ଲୋଗାନ ଦେଇ ତୃଣମୂଳ କଂଗ୍ରେସ ପ୍ରଚାର ଆରମ୍ଭ କରିଛି।
ଏହି ସ୍ଲୋଗାନ ସହିତ ବ୍ୟାନର-ହୋର୍ଡିଂ ବହୁ ସଂଖ୍ୟାରେ ପ୍ରସ୍ତୁତ ହେଉଛି | ଉଲ୍ଲେଖନୀୟ କଥା ହେଉଛି, ଭବାନୀପୁରକୁ ମମତାଙ୍କ ଗଡ଼ ବୋଲି ବିବେଚନା କରାଯାଏ | ମମତା ୨୦୧୧ରେ ଉପ-ନିର୍ବାଚନ ଏବଂ ୨୦୧୬ରେ ବିଧାନସଭା ନିର୍ବାଚନରେ ଏଠାରୁ ହିଁ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜିତିଥିଲେ। ଗତ ବିଧାନସଭା ନିର୍ବାଚନରେ ମମତା ନନ୍ଦିଗ୍ରାମରୁ ନିର୍ବାଚନ ଲଢ଼ି ବିଜେପିର ଶୁଭେନ୍ଦୁ ଅଧିକାରୀଙ୍କ ନିକଟରୁ ପରାଜିତ ହୋଇଥିଲେ | ଗତଥର ତୃଣମୂଳ କଂଗ୍ରେସ ଦଳର ବରିଷ୍ଠ ନେତା ତଥା ରାଜ୍ୟ ମନ୍ତ୍ରୀ ଶୋଭନଦେବ ଚଟ୍ଟୋପାଧ୍ୟାୟଙ୍କୁ ଭବାନୀପୁରରୁ ପ୍ରାର୍ଥୀ କରିଥିଲା | ସେ ୩୦,୦୦୦ ରୁ ଅଧିକ ଭୋଟ୍ ବ୍ୟବଧାନରେ ଜିତିଥିଲେ। ଆଉ ମମତାଙ୍କ ପାଇଁ ସେ ବିଧାୟକ ପଦରୁ ଇସ୍ତଫା ମଧ୍ୟ ଦେଇଛନ୍ତି |