କୋଲକାତା ଦୁଷ୍କର୍ମ ଘଟଣାରେ ନୂଆ ମୋଡ଼, ପିତା କହିଲେ ଝିଅ ଅଟୋରୁ ଖସିପଡ଼ିଛି

କଲିକତା ଆଇଆଇଏମ୍ କ୍ୟାମ୍ପସରେ ଦୁଷ୍କର୍ମ ଘଟଣାରେ ଏକ ନୂତନ ମୋଡ଼ ଆସିଛି। ପୀଡ଼ିତା ଦୁଷ୍କର୍ମ କଥା କହୁଥିବାବେଳେ ତାଙ୍କ ପିତା କହିଛନ୍ତି ଯେ ସେ ଅଟୋରୁ ଖସିପଡ଼ି ଆହତ ହୋଇଯାଇଛନ୍ତି ।

ଶୁକ୍ରବାର ରାତିରେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ, କଲିକତା  କ୍ୟାମ୍ପସରେ ଜଣେ ଝିଅକୁ ବଳାତ୍କାର କରାଯାଇଥିବା ଖବର ସାମ୍ନାକୁ ଆସିଥିଲା। ପୁଲିସ ଏହି ମାମଲାରେ ଅଭିଯୁକ୍ତକୁ ମଧ୍ୟ ଗିରଫ କରିଛି। ଶନିବାର ଅଭିଯୁକ୍ତକୁ କୋର୍ଟରେ ହାଜର କରାଯାଇଥିଲା। ସେଠାରୁ ତାଙ୍କୁ ୭ ଦିନିଆ ପୁଲିସ ହେପାଜତକୁ ପଠାଯାଇଥିଲା। କିନ୍ତୁ ଶନିବାର ହିଁ ପୀଡିତାଙ୍କ ବାପା ଏହି ମାମଲାରେ ଏକ ବଡ଼ ବୟାନ ଦେଇ ଏକ ନୂତନ ମୋଡ଼ ଆଣିଥିଲେ। ଗଣମାଧ୍ୟମ ସହିତ କଥାବାର୍ତ୍ତା ସମୟରେ ସେ ବଳାତ୍କାର ଘଟଣାକୁ ଅସ୍ୱୀକାର କରିଥିଲେ। ପୀଡିତାଙ୍କ ବାପା କହିଛନ୍ତି ଯେ ସେ ଝିଅ ସହିତ କଥା ହୋଇଛି। କିନ୍ତୁ ସେ ଯୌନ ନିର୍ଯାତନାକୁ ଅସ୍ୱୀକାର କରିଛନ୍ତି। ସେ କହିଛନ୍ତି ଯେ ତାଙ୍କ ଝିଅ ଅଟୋରିକ୍ସାରୁ ପଡ଼ିଯାଇଛି।

ଶନିବାର ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ପିତା କହିଛନ୍ତି ଯେ ଶୁକ୍ରବାର ରାତି ସାଢେ ୯ଟା ରେ ତାଙ୍କୁ ଏକ ଫୋନ୍ ଆସିଥିଲା ଯେଉଁଥିରେ ତାଙ୍କୁ କୁହାଯାଇଥିଲା ଯେ ତାଙ୍କ ଝିଅ ଅଟୋରୁ ପଡ଼ି ଚେତାଶୂନ୍ୟ ହୋଇଯାଇଛି। ତାଙ୍କୁ କୁହାଯାଇଥିଲା ଯେ ତାଙ୍କୁ ଏସଏସକେଏମ ହସ୍ପିଟାଲର ନ୍ୟୁରୋଲୋଜି ବିଭାଗରେ ଭର୍ତ୍ତି କରାଯାଇଛି ଏବଂ ପୋଲିସ ତାଙ୍କୁ ଉଦ୍ଧାର କରି ସେଠାକୁ ନେଇଛି।