‘ଟ୍ବିଟର୍ ନୀତିରେ ଫ୍ରିଡମ୍ ଅଫ୍ ସ୍ପିଚ୍ ଅଛି, ମାତ୍ର ଫ୍ରିଡମ୍ ଅଫ୍ ରିଚ୍ ନାହିଁ’: ଏଲନ ମସ୍କ
ନୂଆଦିଲ୍ଲୀ: ହଜାର ହଜାର କର୍ମଚାରୀ ଟ୍ବିଟର୍ ଛାଡୁଥିବା ବେଳେ କମ୍ପାନିର ମାଲିକ ଏଲନ ମସ୍କ ନୂଆ ନୂଆ ନୀତି ଅପଣେଇବାରେ ଲାଗିଛନ୍ତି। ସେ ନିକଟରେ ‘ହେଟ୍ ସ୍ପିଚ୍’ ଉପରେ ଏକ ନୀତି ବନାଇଛନ୍ତି। ମସ୍କ ଏକ ଟ୍ବିଟ୍ କରି ଲେଖିଛନ୍ତି, ‘ଟ୍ବିଟର୍ ନୀତିରେ ଫ୍ରିଡମ୍ ଅଫ୍ ସ୍ପିଚ୍ ଅଛି, ମାତ୍ର ଫ୍ରିଡମ୍ ଅଫ୍ ରିଚ୍ ନାହିଁ’। ଯାହାର ଅର୍ଥ ହେଉଛି ଲୋକେ ଯାହା ଚାହିଁବେ ଟ୍ବିଟର୍ରେ ଲେଖିପାରିବେ। ମାତ୍ର ତାହା ଯଦି ଉପଯୁକ୍ତ ଲେଖା ହୋଇନଥାଏ ତ ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚିବା ବା ରିଚ୍ ହେବା କଠିନ ହୋଇପଡ଼ିବ।
Sambad is now on WhatsApp
Join and get latest news updates delivered to you via WhatsApp
ଆପଣ ଜାଣିଥିବେ ନିଶ୍ଚୟ ଯେ ମସ୍କ କମ୍ପାନିର ମାଲିକ ବନିବାର ଏକ ସପ୍ତାହ ମଧ୍ୟରେ ହିଁ ପ୍ରାୟ ଅଧା କର୍ମଚାରୀ କମ୍ପାନି ଛାଡ଼ିଛନ୍ତି। କିଛି କର୍ମଚାରୀ ନିଜ ଇଚ୍ଛାରେ କମ୍ପାନି ଛାଡ଼ିଛନ୍ତି ତ ପୁଣି କିଛି କର୍ମଚାରୀଙ୍କର ମସ୍କ ଛଟେଇ କରିଛନ୍ତି।
New Twitter policy is freedom of speech, but not freedom of reach.
Negative/hate tweets will be max deboosted & demonetized, so no ads or other revenue to Twitter.
You won’t find the tweet unless you specifically seek it out, which is no different from rest of Internet.
— Elon Musk (@elonmusk) November 18, 2022
ମସ୍କ ଆହୁରି ବି କହିଛନ୍ତି ଯେ ହେଟ୍ ସ୍ପିଚ୍କୁ ଡିବୁଷ୍ଟେଡ୍ ଓ ଡିମନିଟାଇଜ୍ କରି ଦିଆଯିବ। ଫଳରେ ଟ୍ବିଟ୍ରେ କେହି ବିଜ୍ଞାପନ କରିପାରିବେ ନାହିଁ। ଆପଣ କିଛି ବି ଟ୍ବିଟ୍କୁ ସେବେ ଯାଇ ଦେଖିପାରିବେ, ଯେବେ ତାହାକୁ ଖୋଜିବେ। ଆପେ ଆପେ ଆପଣଙ୍କୁ ସେସବୁ ଟ୍ବିଟ୍ ଦୃଶ୍ୟମାନ ହେବ ନାହିଁ। ଏହା କେବଳ ସେ ନିର୍ଦ୍ଦିଷ୍ଟ ଟ୍ବିଟ୍ ଉପରେ ଲାଗୁହେବ, ପୂରା ଆକାଉଣ୍ଟ୍ ଉପରେ ନୁହେଁ।