ଆଗକୁ ଆହୁରି ଘାତକ ପ୍ରଜାତିର କରୋନା ଭୁତାଣୁ ଆସିପାରେ, ସତର୍କ କରାଇଲେ ବୈଜ୍ଞାନିକ
ନୂଆଦିଲ୍ଲୀ : କରୋନାର ନୂଆ ଭାରିଆଣ୍ଟ ବା ପ୍ରଜାତି ସମଗ୍ର ବିଶ୍ବରେ ଏବେ ସଂକ୍ରମଣକୁ ବଢାଇଚାଲିଛି । ଭାରତରେ ପୁଣି ଦୈନିକ ସଂକ୍ରମଣ ଏକ ଲକ୍ଷ ଟପିଯାଇଛି । ତେବେ ଆଶ୍ବସ୍ତିର କଥା ହେଉଛି ଡେଲଟା ତୁଳନାରେ ଓମିକ୍ରମ ଲୋକମାନଙ୍କୁ ସେତେଟା ଗୁରୁତର କରୁନାହିଁ । କିନ୍ତୁ ଜଣେ ଭାରତୀୟ ବଂଶୋଦ୍ଭବ ବ୍ରିଟିଶ ଭୁତାଣୁ ବିଶେଷଜ୍ଞ କେତେକ ଡରାଇବା ଭଳି କଥା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଲଣ୍ଡନର କେମ୍ବ୍ରିଜ ଇନଷ୍ଟିଚ୍ୟୁଟର କ୍ଲିନିକାଲ ମାଇକ୍ରୋବାୟୋଲୋଜୀ ପ୍ରଫେସର ରବୀନ୍ଦ୍ର ଗୁପ୍ତା କହିଛନ୍ତି ଯେ ବିବର୍ତ୍ତନର ଭୁଲ ଯୋଗୁଁ ଓମିକ୍ରନ ପ୍ରଜାତି ସୃଷ୍ଟି ହୋଇଛି । ଏହା କମ ଗୁରୁତର ବୋଲି କୁହାଯାଉଛି । ଏହା ଫୁସଫୁସକୁ କମ ଆକ୍ରାନ୍ତ କରୁଛି । କିନ୍ତୁ ଆଗକୁ ଯେ ଓମିକ୍ରନ ଏହିପରି ରହିବ ତାହା କୁହାଯାଇପାରିବ ନାହିଁ । ଆଗକୁ ଆହୁରି ଭୟାନକ ପ୍ରଜାତି ସୃଷ୍ଟି ହେବାର ଆଶଙ୍କା ରହିଛି ।
ସେ କହିଛନ୍ତି ଯେ ସମସ୍ତଙ୍କୁ ଓମିକ୍ରନ ହେଲେ ଆଣ୍ଟିବଡ଼ି ସୃଷ୍ଟି ହେବ ଓ କରୋନା ଚାଲିଯିବ ବୋଲି ଯେଉଁ କଳ୍ପନା କରାଯାଉଛି, ତାହା ଭୁଲ ପ୍ରମାଣିତ ହୋଇପାରେ । କାରଣ ଆଗକୁ ଏହି ଭୁତାଣୁ ନିଜକୁ ପରିବର୍ତ୍ତିତ କରିବାର ସମ୍ଭାବନା ରହିଛି । ଏହି ନୂଆ ପ୍ରଜାତିର ଭୁତାଣୁ ଅଧିକ ସଂକ୍ରାମକ ଓ ଗୁରୁତର ହେବାର ଆଶଙ୍କା ଅଧିକ । ଏଣୁ ଆମକୁ ଟିକାକରଣ ଉପରେ ଅଧିକ ଗୁରୁତ୍ବ ଦେବାକୁ ପଡ଼ିବ ।