ନ୍ୟୁଜିଲାଣ୍ଡରେ ନୂଆବର୍ଷର ଆଗମନ

ଅକଲାଣ୍ଡ : ନ୍ୟୁଜିଲାଣ୍ଡରେ ନୂଆବର୍ଷ ୨୦୨୫ର ଆଗମନ ହୋଇଛି । ଲୋକମାନେ ଆତସବାଜି ଓ ନୃତ୍ୟଗୀତ ସହ ନୂଆ ବର୍ଷକୁ ସ୍ବାଗତ କରିଛନ୍ତି । ନ୍ୟୁଜିଲାଣ୍ଡ ଓ ଭାରତୀୟ ସମୟ ମଧ୍ୟରେ ପ୍ରାୟ ୬ ଘଣ୍ଟାର ବ୍ୟବଧାନ ଥିବାରୁ ନ୍ୟୁଜିଲାଣ୍ଡରେ ପ୍ରଥମେ ନୂଆବର୍ଷର ଆଗମନ ହୋଇଛି । ନ୍ୟୁଜିଲାଣ୍ଡ ପରେ ଆଉ କିଛି ସମୟ ପରେ ଅଷ୍ଟ୍ରେଲିଆରେ ବି ନୂଆବର୍ଷର ଆଗମନ ହେବ ।

ନ୍ୟୁଜିଲାଣ୍ଡର ଅକଲାଣ୍ଡ ସହରରେ ଥିବା ସ୍କାଏ ଟାଓ୍ବାରରେ ଲୋକମାନେ ଏକତ୍ରିତ ହୋଇ ଆଲୋକ, ଲେଜର ସୋ, ଆତସବାଜୀ ଓ ସଂଗୀତ ତାଳେ ତାଳେ ନୂଆବର୍ଷକୁ ସ୍ବାଗତ କରିଥିଲେ । ଏହି ସମାରୋହ ଅବସରରେ ନ୍ୟୁଜିଲାଣ୍ଡର ଆଦିମ ଅଧିବାସୀମାନଙ୍କ ଐତିହ୍ୟ ସଂପର୍କରେ ପ୍ରଦର୍ଶନ କରାଯାଇଥିଲା । ୨୦୨୪ରେ ନ୍ୟୁଜଲାଣ୍ଡର ଆଦିମ ଅଧିବାସୀ ମାଓରିମାନେ ନିଜ ଅଧିକାରପାଇଁ ଆନ୍ଦୋଳନ କରିଥିଲେ । 

ଜାତିସଂଘ ମହାସଚିବ ଆଣ୍ଟୋନିଓ ଗୁଟେରେସ୍ ତାଙ୍କ ନୂଆବର୍ଷ ବାର୍ତ୍ତାରେ ୨୦୨୫କୁ ଏକ ନୂଆ ଆରମ୍ଭ କରିବାକୁ ଆହ୍ୱାନ ଦେଇଛନ୍ତି।

ଜାତିସଂଘ ମହାସଚିବ ଆଣ୍ଟୋନିଓ ଗୁଟେରେସ୍ ତାଙ୍କ ନୂଆବର୍ଷ ବାର୍ତ୍ତାରେ ୨୦୨୫କୁ ଏକ ନୂଆ ଆରମ୍ଭ କରିବାକୁ ଆହ୍ୱାନ ଦେଇଛନ୍ତି। ଜାତିସଂଘ ମୁଖ୍ୟ ଗୁଟେରେସ୍ କହିଛନ୍ତି, ସମଗ୍ର ୨୦୨୪ରେ ଆଶାର କିରଣ ଖୋଜିବା କଷ୍ଟକର।  ଯୁଦ୍ଧ କାରଣରୁ ପ୍ରବଳ ଯନ୍ତ୍ରଣା, ଦୁଃଖ ଓ ବିସ୍ଥାପନ ଚାଲିଛି ।  ଅସମାନତା ଓ ବିଭାଜନ ବୃଦ୍ଧି ପାଉଥିବାରୁ ଉତ୍ତେଜନା ଓ ଅବିଶ୍ୱାସ ବଢ଼ିବାରେ ଲାଗିଛି।  ନିର୍ଗମନ ହ୍ରାସ କରି ଏବଂ ନବୀକରଣଯୋଗ୍ୟ ଭବିଷ୍ୟତକୁ ସ୍ଥାନାନ୍ତରକୁ ସମର୍ଥନ କରି ବିଶ୍ୱକୁ ଏକ ସୁରକ୍ଷିତ ମାର୍ଗରେ ନେବାକୁ ଜାତିସଂଘ ମୁଖ୍ୟ ଦେଶଗୁଡ଼ିକୁ ଆହ୍ୱାନ ଦେଇଛନ୍ତି।  ଏହା ଜରୁରୀ ଏବଂ ସମ୍ଭବ । ଗୁଟେରେସ୍ କହିଛନ୍ତି, ଅନ୍ଧକାର ଦିନରେ ମଧ୍ୟ ମୁଁ ଆଶାର ଶକ୍ତି ପରିବର୍ତ୍ତନ ଦେଖିଛି।