ନିଉଜ ଲାଇଭ ଚାଲିଥିବା ବେଳେ ଖସି ପଡିଲା ଦାନ୍ତ, ଭିଡ଼ିଓରେ ଦେଖନ୍ତୁ କିଭଳି ନିଜକୁ ସମ୍ଭାଳିଲେ ଉପସ୍ଥାପିକା
ନୂଆଦିଲ୍ଲୀ: ଲୋକମାନଙ୍କୁ ଲାଇଭ ନିଉଜ ଦେଉଥିବା ବେଳେ ସବୁ ପ୍ରକାରର ପରିସ୍ଥିତିକୁ ସମ୍ଭାଳିବା ପାଇଁ ଉପସ୍ଥାପିକା-ଉପସ୍ଥାପକମାନଙ୍କୁ ପ୍ରଶିକ୍ଷଣ ଦିଆଯାଇଥାଏ | କିଭଳି ଲାଇଭ ନିଉଜ ପଢ଼ୁଥିବା ବେଳେ ଆସୁଥିବା ବାଧାକୁ ଏଡାଇ ସେମାନେ ପଢା ଜାରି ରଖିବେ, ସେ ନେଇ ସେମାନଙ୍କୁ ପ୍ରଶିକ୍ଷଣ ଦିଆଯାଇଥାଏ | ଯାହାର ସଠିକ ବ୍ୟବହାର ୟୁକ୍ରେନର ଜଣେ ସମ୍ବାଦ ଉପସ୍ଥାପିକା କରିଛନ୍ତି | ଲାଇଭ ନିଉଜ ପଢ଼ୁଥିବା ବେଳେ ହଠାତ ତାଙ୍କର ଗୋଟେ ଦାନ୍ତ ଖସି ପଡିଥିଲା | ଏହି ସମୟରେ ସେ ଲାଇଭ ନିଉଜ ପଢିବା ଅଧାରେ ନ ରଖି ପଢା ଜାରି ରଖିଥିଲେ | ତେବେ ଦାନ୍ତ ଖସି ପଡିବା ଜାଣି ମଧ୍ୟ ସେ ଯେଉଁଭଳି ଭାବେ ନିଜକୁ ସମ୍ଭାଳିଥିଲେ, ତାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି | ସେ ସମୟରେ ଏକ ଭିଡ଼ିଓ ମଧ୍ୟ ଏବେ ଭାଇରାଲ ହେବାରେ ଲାଗିଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମାରିଚ୍କା ପାଡାଲକୋ ୟୁକ୍ରେନରେ ଲାଇଭ୍ ଖବର ପଢ଼ୁଥିବା ବେଳେ ତାଙ୍କ ଆଗ ଦାନ୍ତ ଖସିବାକୁ ଯାଉଥିବା ସେ ଅନୁଭବ କଲେ | ଏହା ଜାଣି ସେ ପ୍ରସାରଣକୁ ବନ୍ଦ କରିବା ପରିବର୍ତ୍ତେ ହାତରେ ନିଜ ପାଟିରୁ ଖସିବାକୁ ଯାଉଥିବା ଦାନ୍ତକୁ ଧରି ନିଉଜ ପଢିବା ଜାରି ରଖିଥିଲେ | ଘଟଣା ପରେ ସେ ସମୟରେ ଭିଡ଼ିଓ ସେୟାର କରି ୨୦ବର୍ଷର ପେସାଦାର ଜୀବନ ମଧ୍ୟରେ ଏହା ମୋର ସବୁଠାରୁ କୌତୁହଳପୂର୍ଣ୍ଣ ଅନୁଭୂତି ଅଟେ ବୋଲି ଲେଖିଛନ୍ତି ମାରିଚ୍କା ପାଡାଲକୋ। ଭିଡ଼ିଓଟି ଇନଷ୍ଟାଗ୍ରାମରେ ସେୟାର ହେବାରେ ଏବେ ଏହା ଭାଇରାଲ ହେବାରେ ଲାଗିଛି |