ହାମିରପୁର: ଦେଶର ବିଭିନ୍ନ ସହରରେ ଏବେ ବୁଲା ଗାଈ ଗୋରୁଙ୍କ ଯୋଗୁଁ ଦୁର୍ଘଟଣା ବଢିବାରେ ଲାଗିଛି । ଏଥିପାଇଁ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି ସାଧାରଣ ଲୋକ । ୟୁପିର ହାମିରପୁର ଜିଲ୍ଲାରେ ଗତ ୨୦ ମାସ ମଧ୍ୟରେ ବୁଲା ଗାଈମାନଙ୍କ ପାଇଁ ଏନ୍ଏଚ୍-୩୪ରେ ସର୍ବାଧିକ ୩୦୮ଟି ସଡ଼କ ଦୁର୍ଘଟଣା ଘଟିଥିବାବେଳେ ଏବେଯାଏଁ ୨୧୭ ଜଣଙ୍କର ମୃତ୍ୟୁ ହୋଇଛି । ଏନ୍ଏଚ୍-୩୪ କାନପୁର ଓ ମହୋବା ଜିଲ୍ଲା ଦେଇ ମଧ୍ୟ ଏହି ରାଜପଥ ଯାଇଛି, ହେଲେ ଏହି ୨ଜିଲ୍ଲାକୁ ଛାଡ଼ି ଏଠାକାର ଦୁର୍ଘଟଣାର କାରଣ ଭିନ୍ନ ।
Sambad is now on WhatsApp
Join and get latest news updates delivered to you via WhatsApp
ଯଦି ଆମେ ଗତ ୨୦ ମାସର ଆକଳନକୁ ଦେଖିବା, ତେବେ କେବଳ ହମିରପୁରରେ ୩୦୮ ଟି ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ୨୧୭ଜଣ ପ୍ରାଣ ହରାଇଥିବା ବେଳେ ୫୫୩ ଜଣ ଆହତ ହୋଇଛନ୍ତି । ଦିନ ସମୟରେ ଏହି ରାଜପଥରେ ଗାଈ ଗୋରୁ ଦେଖିବା ସାଧାରଣ କଥା । ବଡ଼ କଥା ହେଉଛି ଏଠି ଅଧିକାଂଶ ଦୁର୍ଘଟଣା ରାତି ସମୟରେ ଘଟୁଛି । ଗତ ଦୁଇ ବର୍ଷ ମଧ୍ୟରେ ଏହି ରାଜପଥରେ ଟ୍ରାଫିକ ନିୟମ ପାଳନ ନକରିବାରୁ ଅନେକ ଲୋକ ମୃତ୍ୟୁ ବରଣ କରିଥିବାବେଳେ ତିନି ଶହରୁ ଅଧିକ ଲୋକ ଆହତ ହୋଇଛନ୍ତି ।
ଆଇଆରଏଡି ଆପର ତଥ୍ୟ ଅନୁଯାୟୀ, ଦୁଇ ବର୍ଷ ମଧ୍ୟରେ ହମିରପୁର ସଦର କୋଟୱାଲି ଅଞ୍ଚଳରେ ୩୪ ଜଣଙ୍କର ମୃତ୍ୟୁ ଘଟିଥିବା ବେଳେ ୪୭ ଜଣ ଆହତ ହୋଇଛନ୍ତି । ସେହିପରି ସୁମେରପୁର ପୋଲିସ ଷ୍ଟେସନ ଅଞ୍ଚଳରେ ଏଭଳି ଦୁର୍ଘଟଣାରେ ୫୪ ଜଣଙ୍କର ମୃତ୍ୟୁ ଘଟିଥିବା ବେଳେ ୧୦୭ ଜଣ ଆହତ ହୋଇଛନ୍ତି । ମାଉଦା କୋଟୱାଲୀ ଅଞ୍ଚଳରେ ଦୁର୍ଘଟଣାରେ ୩୦ ଜଣ ପ୍ରାଣ ହରାଇଥିବାବେଳେ ୧୫୧ ଜଣ ଆହତ ହୋଇଛନ୍ତି । ଯେତେବେଳେ ଆଇଆରଇଡି ଦାୟିତ୍ୱରେ ଥିବା ରାମଚନ୍ଦ୍ରଙ୍କୁ ଏ ବିଷୟରେ ଆଲୋଚନା କରାଯାଇଥିଲା, ସେ କହିଥିଲେ ଯେ ଜାନୁୟାରୀ ୨୦୨୧ ରୁ ବର୍ତ୍ତମାନ ପର୍ଯ୍ୟନ୍ତ ଜିଲ୍ଲାରେ ୩୦୮ ଟି ସଡକ ଦୁର୍ଘଟଣା ଘଟିଛି । ଏଥିରେ ଦୁଇ ବର୍ଷ ମଧ୍ୟରେ ରାଠ ଅଞ୍ଚଳରେ ୨୫ ଜଣଙ୍କର ମୃତ୍ୟୁ ହୋଇଥିବାବେଳେ ୯୯ ଜଣ ଆହତ ହୋଇଛନ୍ତି । ଜରିଆରେ ୨୦ ଜଣଙ୍କର ମୃତ୍ୟୁ ହୋଇଥିବା ବେଳେ ୫୧ ଜଣ ଆହତ ହୋଇଛନ୍ତି । ସେହିଭଳି ବିୱାରରେ ୧୫ ମୃତ୍ୟୁ ୨୩, କୁରାରାରେ ୧୨ ମୃତ୍ୟୁ ୩୫, ମୁସ୍କ୍ରାରେ ୧୦ ମୃତ୍ୟୁ ୧୦, ମାଜଗୱାନରେ ୭ ମୃତ୍ୟୁ ୮, ଲାଲପୁରାରେ ୪ ମୃତ୍ୟୁ ୧୧, ସିସୋଲାରରେ ୩ ମୃତ୍ୟୁ , ଚିକାସୀରେ ୨ ମୃତ୍ୟୁ ଘଟଣା ଘଟିଛି।