ବ୍ୟକ୍ତିଗତ ହାଜର ପାଇଁ ଦିଲ୍ଲୀ ସ୍ବାସ୍ଥ୍ୟ ମହାନିର୍ଦ୍ଦେଶକଙ୍କୁ ଏନ୍ଏଚ୍ଆର୍ସିଙ୍କ ନିର୍ଦ୍ଦେଶ
ନୂଆଦିଲ୍ଲୀ : ଦିଲ୍ଲୀରେ ପ୍ରବାସୀ ଓଡ଼ିଆଙ୍କ ଡେଙ୍ଗୁଜନିତ ମୃତ୍ୟୁ ମାମଲାରେ ଜାତୀୟ ମାନବାଧିକାର କମିସନ (ଏନ୍ଏଚ୍ଆର୍ସି) କଠୋର ଆଭିମୁଖ୍ୟ ପୋଷଣ କରିଛନ୍ତି। ଏ ନେଇ ଦିଲ୍ଲୀର ସ୍ବାସ୍ଥ୍ୟ ମହାନିର୍ଦ୍ଦେଶକଙ୍କୁ ୨୦୧୯ ଜାନୁଆରି ୮ ତାରିଖରେ ବ୍ୟକ୍ତିଗତ ଭାବେ ହାଜର ହେବା ପାଇଁ କମିସନ୍ ନିର୍ଦ୍ଦେଶ ଦେଇଛନ୍ତି। ଉଲ୍ଲେଖଯୋଗ୍ୟ, ଦିଲ୍ଲୀରେ ଡେଙ୍ଗୁ ଯୋଗୁ ୨୦୧୫ ସେପ୍ଟେମ୍ବରରେ ୭ ବର୍ଷର ବାଳକ ଅବିନାଶ ରାଉତର ମୃତ୍ୟୁ ଘଟିଥିଲା। ଦୁଃଖ ସହିନପାରି ଅବିନାଶର ପିତାମାତା ଆତ୍ମହତ୍ୟା କରିଥିଲେ। ଏହାପରେ ସୁପ୍ରିମ୍ କୋର୍ଟ ଆଇନଜୀବୀ ତଥା ମାନବାଧିକାରୀ କର୍ମୀ ରାଧାକାନ୍ତ ତ୍ରିପାଠୀ ଏନ୍ଏଚ୍ଆର୍ସିରେ ଏକ ପିଟିସନ୍ ଦାଖଲ କରି ମାମଲାର ତଦନ୍ତ ଦାବି କରିଥିଲେ।