ଇସ୍ରାଏଲ ଦୂତାବାସ ନିକଟରେ ବିସ୍ଫୋରଣ ଘଟଣା: ଏନଆଇଏ କରୁଛି ତଦନ୍ତ
ନେତନ୍ୟହୁଙ୍କ ବୟାନ: ଭାରତ ଉପରେ ପୁରା ଭରସା ଅଛି
ନୂଆଦିଲ୍ଲୀ: ଦିଲ୍ଲୀରେ ଥିବା ଇସ୍ରାଏଲ୍ ଦୂତାବାସ ନିକଟରେ ଆଜି ଅପରାହ୍ନରେ ବିସ୍ଫୋରଣ ଘଟଣା ପରେ ପୁରା ଦିଲ୍ଲୀ ପୁଲିସ ସହ ଗୃହ ମନ୍ତ୍ରାଳୟ ଆଲର୍ଟରେ ରହିଛି | ବିସ୍ଫୋରଣ ବାବଦରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟହୁଙ୍କୁ ଅବଗତ କରାଯାଇଥିବା ବେଳେ ସେ କହିଛନ୍ତି ଯେ ଭାରତ ଉପରେ ପୁରା ଭରସା ଅଛି | ଅନ୍ୟ ପଟେ ଭାରତ ସରକାରଙ୍କ ପକ୍ଷରୁ କୁହାଯାଇଛି ଯେ ଦୋଷୀଙ୍କୁ ଛଡ଼ାଯିବ ନାହିଁ | ତେବେ ବିସ୍ଫୋରଣ ପରେ ଉତ୍ତରପ୍ରଦେଶ, ମହାରାଷ୍ଟ୍ର ସହ ଆଉ କିଛି ରାଜ୍ୟରେ ସୁରକ୍ଷା ବଢ଼ାଇ ଦିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ବିସ୍ଫୋରଣ ପରେ ଦିଲ୍ଲୀ ପୁଲିସର ସ୍ପେଶାଲ ଟିମ ଘଟଣାସ୍ଥଳରେ ପହଂଚି ତଦନ୍ତ କରିଥିବାବେଳେ ବର୍ତ୍ତମାନ ଏନଆଇଏ(ନ୍ୟାସନାଲ ଇନଭେସ୍ଟିଗେସନ ଏଜେନ୍ସି) ପହଂଚି ତଦନ୍ତ କରୁଛି | ତେବେ ଇସ୍ରାଏଲ ଦୂତାବାସ ପାଖରେ ଏକ ଲଫାଫା ମିଳିଛି | ଯେଉଁଥିରେ ଇସ୍ରାଏଲ ଦୂତାବାସକୁ ନେଇ କିଛି ଲେଖାଯାଇଛି | ଯାଞ୍ଚ ଟିମ ଏବେ ଏହି ଲଫାଫା କୁ ଜବତ କରି ଯାଞ୍ଚ କରୁଛି |
ଏହି ଘଟଣାକୁ ନେଇ ବୈଦେଶିକ ମନ୍ତ୍ରୀ ଓ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଇସ୍ରାଏଲ ପ୍ରତିପକ୍ଷଙ୍କ ସହ କଥା ହୋଇଛନ୍ତି | ସୂଚନା ଥାଉ କି ଆଜି ଅପରାହ୍ନ ୫ଟା ତ ମିନିଟରେ ଏହି ବିସ୍ଫୋରଣ ହୋଇଥିଲା | ଏଥିରେ କେହି ଆହତ ହୋଇନଥିଲେ ବି ଦୂତାବାସ ବାହାରେ ଥିବା ୪-୫ଟି କାର କ୍ଷତିଗ୍ରସ୍ତ ହୋଇଛି |