ଲଣ୍ଡନ : ଆଜି ଲଣ୍ଡନର େଓ୍ଵଷ୍ଟମିନିଷ୍ଟର ମାଜିଷ୍ଟ୍ରେଟ କୋର୍ଟ ପଳାତକ ହୀରା ବ୍ୟବସାୟୀ ତଥା ୧୩ ହଜାର କୋଟି ଟଙ୍କା ବିଶିଷ୍ଟ ପିଏନବି ଋଣ ଠକେଇ ମାମଲାର ମୁଖ୍ୟ ଅଭିଯୁକ୍ତ ନିରବ ମୋଦିର ଜାମିନ ଆବେଦନକୁ ପୁଣି ଥରେ ଖାରଜ କରିଦେଇଛନ୍ତି । ଏହା ଫଳରେ ନିରବ ମୋଦି ଏବେ ଜେଲରେ ରହିବ । ମାମଲାର ପରବର୍ତ୍ତି ଶୁଣାଣି ଏପ୍ରିଲ ୨୬ରେ ହେବ । ଅପରପକ୍ଷରେ ଭାରତକୁ ତାହାର ପ୍ରତ୍ୟାର୍ପଣ ଆଶା ଉଜ୍ଜଳ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଭାରତୀୟ ତଦନ୍ତକାରୀ ସଂସ୍ଥାଙ୍କ ତରଫରୁ କେସ ଲଢୁଥିବା ଓକିଲ ଟୋବି କ୍ୟାଡମ୍ୟାନ ବିଚାରପତିଙ୍କୁ କହିଥିଲେ ଯେ ନିରବ ମୋଦି ଜଣେ ସାକ୍ଷୀକୁ ହତ୍ୟା ଧମକ ଦେଇଥିଲେ ଓ ଆଉ ଜଣକୁ ଲାଞ୍ଚ ଦେବାକୁ କହିଥିଲେ । ଆହୁରିମଧ୍ୟ ଯଦି ତାଙ୍କୁ ଜାମିନ ଦିଆଯାଏ ସେ ଫେରାର ହୋଇଯିବାର କିମ୍ବା ତଥ୍ୟପ୍ରମାଣରେ ହସ୍ତକ୍ଷେପ କରିବାର ଆଶଙ୍କା ରହିଛି । ଏଣୁ ତାଙ୍କର ଜାମିନ ଆବେଦନକୁ ରଦ୍ଦ କରିବାକୁ ସେ କୋର୍ଟଙ୍କୁ ଅନୁରୋଧ କରିଥିଲେ ।
ଏହି ମାମଲାରେ ସହାୟତା ପାଇଁ ଭାରତ ସରକାର ଇଡି (ଏନଫୋର୍ସମେଣ୍ଟ ଡାଇରୋକ୍ଟୋରେଟ)ର ଏକ ଦଳ ସେଠାକୁ ସମସ୍ତ ପ୍ରକାରର ତଥ୍ୟ ପ୍ରମାଣ ସହ ପଠାଇଛନ୍ତି । ଏହି ଦଳର ମୁଖ୍ୟ ଅଛନ୍ତି ଯୁଗ୍ନ ନିର୍ଦ୍ଦେଶକ ସତ୍ୟବ୍ରତ କୁମାର ।