ନିର୍ଭୟା ଅପରାଧୀଙ୍କୁ ଫାଶୀ ଦଣ୍ଡାଦେଶର ପୁନର୍ବିଚାର: ମାମଲାର ଶୁଣାଣିରୁ ଓହରିଗଲେ ପ୍ରଧାନ ବିଚାରପତି; ବୁଧବାର ହେବ ଶୁଣାଣି
ନୂଆଦିଲ୍ଲୀ: ଫାଶୀ ଦଣ୍ଡାଦେଶରେ ଦଣ୍ଡିତ ନିର୍ଭୟା ଗଣଦୁଷ୍କର୍ମକାରୀଙ୍କ ମଧ୍ୟରୁ ଅନ୍ୟତମ ଦୁଷ୍କର୍ମକାରୀ ଅକ୍ଷୟ କୁମାର ଦଣ୍ଡାଦେଶର ପୁନର୍ବିଚାର ପାଇଁ ସୁପ୍ରିମ୍ କୋର୍ଟରେ କରିଥିବା ଆବେଦନର ଶୁଣାଣିକୁ ଆସନ୍ତାକାଲି ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ସୁପ୍ରିମ୍ କୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବଡେଙ୍କ ଅଧ୍ୟକ୍ଷତାରେ ଜଷ୍ଟିସ୍ ଜଷ୍ଟିସ ଆର ଭାନୁମତୀ ଓ ଜଷ୍ଟିସ୍ ଅଶୋକ ଭୂଷଣଙ୍କୁ ନେଇ ଗଠିତ ଏକ ଖଣ୍ଡପୀଠରେ ଏହି ପୁନର୍ବିଚାର ଆବେଦନର ଶୁଣାଣି ହେବାର ଥିଲା। ତେବେ, ଶେଷ ମୁହୂର୍ତ୍ତରେ ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବଡେ ଏହି ପୁନର୍ବିଚାର ପାଇଁ ଆଗତ ମାମଲାର ଶୁଣାଣିରୁ ନିଜକୁ ଓହରାଇ ନେବାରୁ ଏହି ମାମଲାର ଶୁଣାଣିକୁ ଆସନ୍ତାକାଲି (ବୁଧବାର)କୁ ଘୁଞ୍ଚାଇ ଦିଆଯାଇଛି। ବୁଧବାର ଦିନ ଏକ ନୂତନ ଖଣ୍ଡପୀଠରେ ଏହି ମାମଲାର ଶୁଣାଣି ହେବ।
ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବଡେଙ୍କ ଝିଆରୀ ପୂର୍ବରୁ ସୁପ୍ରିମ୍ କୋର୍ଟରେ ନିର୍ଭୟାଙ୍କ ପକ୍ଷରୁ ମାମଲା ଲଢ଼ୁଥିବାରୁ ବର୍ତ୍ତମାନ ପୁନର୍ବିାଚାର ପାଇଁ ହୋଇଥିବା ଆବେଦନର ଶୁଣାଣିରୁ ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବଡେ ନିଜକୁ ଓହରାଇ ନେଇଛନ୍ତି।