ଜରୁରୀକାଳୀନ ଶୁଣାଣି ଲାଗି ନିର୍ଭୟା ଦୋଷୀ ମୁକେଶର ଆବେଦନ ସୁପ୍ରିମକୋର୍ଟରେ ଖାରଜ
ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାର ଦୋଷୀ ମୁକେଶ ସିଂ ପକ୍ଷରୁ ସୋମବାର ଜରୁରୀକାଳୀନ ଶୁଣାଣି ଲାଗି କରାଯାଇଥିବା ଆବେଦନକୁ ଆଗ୍ରାହ୍ୟ କରି ଦେଇଛନ୍ତି ସୁପ୍ରିମକୋର୍ଟ। ଆଜି ମୁକେଶ ସିଂର ଓକିଲ ସର୍ବୋଚ୍ଚ ଅଦାଲତରେ ସୋମବାର ଜରୁରୀକାଳୀନ ଶୁଣାଣି କରିବା ଲାଗି ଆବେଦନ କରିଥିଲେ। ମାତ୍ର କୋର୍ଟ ଏହାକୁ ଖାରଜ କରିବା ସହ ମାର୍ଚ୍ଚ ୧୬ ତାରିଖରେ ଶୁଣାଣି କରାଯିବ ବୋଲି ତାରିଖ ଧାର୍ଯ୍ୟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ମୁକେଶ ସିଂ ରାଷ୍ଟ୍ରପତିଙ୍କ ରାଜକ୍ଷମା ଆବେଦନ ଖାରଜ ବିରୋଧରେ ସୁପ୍ରିମକୋର୍ଟରେ କରିଥିବା ଆବେଦନ ଖାରଜ ହୋଇସାରିଛି। ଏହି ଆବେଦନରେ ମୁକେଶ ପକ୍ଷରୁ ଦର୍ଶାଯାଇଥିଲା କି ରାଷ୍ଟ୍ରପତିଙ୍କ ନିକଟକୁ ପଠାଯାଇଥିବା ଆବେଦନରେ ଗୃହ ମନ୍ତ୍ରାଳୟ ପକ୍ଷରୁ ଆବଶ୍ୟକୀୟ ଦସ୍ତାବିଜ୍ ଦିଆଯାଇଥିଲା। ଏହି ଆବେଦନକୁ ଖାରଜ କରି ସୁପ୍ରିମକୋର୍ଟ କହିଥିଲେ କି ଏହି ମାମଲାର କୌଣସି ଭିତ୍ତି ନାହିଁ। ଏଥିସହ କହିଥିଲେ କି ଜେଲରେ ନିର୍ଯାତନାର ଶିକାର ହେବାକୁ ଯୁକ୍ତି ଭାବେ ଦର୍ଶାଇ ରାଷ୍ଟ୍ରପତିଙ୍କ ରାଜକ୍ଷମା ଆବେଦନ ଖାରଜକୁ ଚାଲେଞ୍ଜ କରିହେବ ନାହିଁ।