ଫାଶୀ ଡରରେ ଖାଇବାପିଇବା ଛାଡ଼ିଦେଲେଣି ୪ ନିର୍ଭୟା ଗଣଦୁଷ୍କର୍ମକାରୀ, କଡ଼ା ନଜର ରଖିଛନ୍ତି ଜେଲ କର୍ତ୍ତୃପକ୍ଷ
ନୂଆଦିଲ୍ଲୀ: ତିହାର ଜେଲରେ ଅଛନ୍ତି ନିର୍ଭୟା ଗଣଦୁଷ୍କର୍ମ ଓ ହତ୍ୟା ଘଟଣାର ଚାରି ଦୋଷୀସାବ୍ୟସ୍ତ ଅପରାଧୀ-ଅକ୍ଷୟ ଠାକୁର, ମୁକେଶ,ପବନ ଗୁପ୍ତା ଓ ବିନୟ ଶର୍ମା । ସେମାନେ ଏବେ ଅବସାଦରେ ଦିନ କାଟୁଛନ୍ତି । ଜେଲ କର୍ତ୍ତୃପକ୍ଷଙ୍କ କହିବାନୁଯାୟୀ, ଚାରି ଜଣ ଅଭିଯୁକ୍ତ ଖାଇବା ପିଇବା ବି କମାଇ ସାରିଲେଣି । ଫାଶୀ ଭୟରେ ସେମାନେ ଦିନ କାଟୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ତିହାର ଜେଲ କର୍ତ୍ତୃପକ୍ଷ ଚାରି ଜଣ ଦୋଷୀସାବ୍ୟସ୍ତଙ୍କ ଉପରେ କଡା ନଜର ରଖିଛନ୍ତି । ଫାଶୀ ଖୁଣ୍ଟରେ ଝୁଲିବା ପୂର୍ବରୁ ସେମାନେ ଏବେ ଖାଇବା ପିଇବା ଛାଡି ଦେଇ ଶରୀରର ଯେମିତି କ୍ଷତି ନ କରନ୍ତି ସେ ନେଇ କର୍ତ୍ତୃପକ୍ଷ ସଜାଗ ଅଛନ୍ତି । ଜେଲରେ ପ୍ରତ୍ୟକ ଦିନ ଡାକ୍ତରଙ୍କ ଦ୍ୱାରା ସେମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଉଛି । ଏବେ ଏହି ୪ ଜଣଙ୍କ ପାଇଁ ୪ ଜଣ ସ୍ପେଶାଲ ସୁରକ୍ଷା କର୍ମୀ ନିୟୋଜିତ ହୋଇଛନ୍ତି । ଜେଲର ନିୟମାବଳୀ ଅନୁଯାୟୀ, ଫାଶୀରେ ଝୁଲିବା ପାଇଁ ଅଭିଯୁକ୍ତଙ୍କ ଓଜନ ଓ ଉଚ୍ଚତା ମଧ୍ୟ ମହତ୍ୱ ରଖିଥାଏ ।
ତେବେ ଏହି ୪ ଅପରାଧୀ ଫାଶୀ ଖୁଣ୍ଟରେ ଝୁଲିବା ନେଇ ନିର୍ଭୟାଙ୍କ ମାଆ ଦିଲ୍ଲୀର ପଟିଆଲା କୋର୍ଟରେ ଆବେଦନ କରିଥିଲେ । ଏହାପରେ ଶୁକ୍ରବାର ଭିଡିଓ କନଫରେନ୍ସିଂ ଜରିଆରେ ପଟିଆଲା କୋର୍ଟରେ ଦୋଷୀଙ୍କୁ ହାଜର କରାଯାଇଥିଲା । ଏହି ଚାରି ଜଣଙ୍କ ମଧ୍ୟରୁ ଅକ୍ଷୟ ସିଂହ ଠାକୁର ସୁପ୍ରିମକୋର୍ଟରେ ଫାଶୀର ପୁନର୍ବିଚାର ଆବେଦନ କରିଛି । ତେଣୁ ସୁପ୍ରିମକୋର୍ଟରେ ଶୁଣାଣି ପରେ ପଟିଆଲା କୋର୍ଟ ଶୁଣାଣି କରିବ ବୋଲି କହିଛନ୍ତି । ସୁପ୍ରିମକୋର୍ଟ ଅକ୍ଷୟର ଆବେଦନ ଉପରେ ୧୭ ତାରିଖରେ ଶୁଣାଣି କରିବେ । ଏହା ପରେ ୧୮ରେ ପଟିଆଲା କୋର୍ଟ ଶୁଣାଣି କରିବ ।