ପୁନେ : କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ ଏବଂ ବରିଷ୍ଠ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କୁ ଗୁରୁବାର ଦିନ ଗୋଟିଏ ମଞ୍ଚରେ ‌ଦେଖିବାକୁ ମିଳିଛି। ଗଡ଼କରୀ ଏବଂ ସିଂହ ପୁନେ ନିକଟସ୍ଥ ପିମ୍ପଡ଼ି ଛିଞ୍ଚୱାଡ଼ାରେ ସ୍ବର୍ଗତ କଂଗ୍ରେସ ନେତା ରାମକ୍ରିଷ୍ଣା ମୋରେଙ୍କ ଉପରେ ଏକ ପୁସ୍ତକ ଉନ୍ମୋଚନ ସମୟରେ ଗୋ‌ଟିଏ ମଞ୍ଚରେ ଏକାଠି ଥିଲେ। ଏହି ସମୟରେ ଗଡ଼କରୀ ଦିଗ୍‌ବିଜୟ ସିଂହଙ୍କୁ ପ୍ରଶଂସା କରିଛନ୍ତି। ଆଶାଡ଼ି ଏକାଦଶୀରେ ମହାରାଷ୍ଟ୍ରର ପନ୍ଧାରପୁରକୁ ସିଂହଙ୍କ ବାର୍ଷିକ ତୀର୍ଥଯାତ୍ରାକୁ ଗଡ଼କରୀ ପ୍ରଶଂସା କରିଛନ୍ତି। ପ୍ରଶଂସା କରି ଗଡ଼କରୀ କହିଛନ୍ତି, ଯୁବାବସ୍ଥାରେ ବି ମୋର ଆପଣଙ୍କ ଭଳି ଚାଲିବାର ଉତ୍ସାହ ନଥିଲା। କିନ୍ତୁ ତୀର୍ଥଯାତ୍ରା ସମୟରେ ଆପଣ ବହୁତ ଚାଲିଛନ୍ତି। ଏଥିପାଇଁ ମୁଁ ଆପଣଙ୍କୁ ଶୁଭେଚ୍ଛା ଜଣାଉଛି ଏବଂ ଧନ୍ୟବାଦ ଜଣାଉଛି। ଗଡ଼କରୀଙ୍କ ପ୍ରଶଂସାର ଜବାବ ରଖି ସିଂହ କହିଥିଲେ, ଗଡ଼କରୀ ବି ଏଥିପାଇଁ ଚେଷ୍ଟା କରିବା ଉଚିତ।