ନୂଆବର୍ଷରେ ବିହାର ଦେଖିପାରେ ନୂଆ ସରକାର: ରାବଡୀ କହିଲେ; ମହାଗଠବନ୍ଧନରେ ନୀତୀଶଙ୍କୁ ସାମିଲ କରିବା ନେଇ ଚାଲିଛି ବିଚାର
ପାଟନା: ନୂଆବର୍ଷରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବଡୀ ଦେବୀ ବିହାରବାସୀଙ୍କୁ ଅଭିନନ୍ଦନ ଜଣାଇବା ସହ ବିରୋଧୀ ନୀତୀଶ କୁମାରଙ୍କ ବାବଦରେ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି । ରାବଡୀ ଦେବୀ କହିଛନ୍ତି କି, ନୀତୀଶ କୁମାରଙ୍କୁ ପୁଣିଥରେ ମହାଗଠବନ୍ଧନରେ ସାମିଲ କରିବା ନେଇ ଆରଜେଡି ଭିତରେ ଆଲୋଚନା ଚାଲିଛି । ଅରୁଣାଚଳ ପ୍ରଦେଶରେ ୬ ଜଣ ଜେଡିୟୁ ବିଧାୟକ ବିଜେପିରେ ସାମିଲ ହେବାକୁ ନେଇ ରାବଡୀ ଦେବି କହିଛନ୍ତି କି ଖାଲି ଅରୁଣାଚଳ ପ୍ରଦେଶ ନୁହେଁ ବିହାରରେ ବି ବିଜେପି ଏଭଳି କରିପାରେ ?
Sambad is now on WhatsApp
Join and get latest news updates delivered to you via WhatsApp
ତେବେ ଅରୁଣାଚଳପ୍ରଦେଶରେ ଜେଡିୟୁର ଥିବା ୭ ଜଣ ବିଧାୟକଙ୍କ ମଧ୍ୟରୁ ୬ ଜଣ ବିଜେପିରେ ସାମିଲ ହୋଇସାରିଛନ୍ତି । ଏପଟେ ଏହାକୁ ନେଇ ବିଜେପି ଓ ଜେଡିୟୁ ମଧ୍ୟରେ ଯେଭଳି ଭାବେ ବିତର୍କ ଦେଖା ଦେଇଛି ତାହାକୁ ହାତଛଡା କରିବାକୁ ଚାହୁଁ ନାହାନ୍ତି ଲାଲୁ ଯାଦବ । ଏଭଳି ସମୟରେ ନୀତୀଶଙ୍କୁ ପୁଣିଥରେ ମହାଗଠବନ୍ଧନକୁ ଫେରାଇଆଣିବାକୁ ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବ ଏକ ମୋର୍ଚ୍ଚା ଖୋଲି ତାହାର ଦାୟିତ୍ୱ ନେଇଛନ୍ତି ।
ଏହାସହ ଏଭଳି କିଛି ଖବର ସୂତ୍ର ମାଧ୍ୟମରେ ମିଳିଛି କି ନୀତୀଶ କୁମାରଙ୍କୁ ପୁଣିଥରେ ମହାଗଠବନ୍ଧନରେ ସାମିଲ କରିବାକୁ ଲାଲୁ ଯାଦବ ୟୁପିଏର ବଡ ବଡ ନେତାମାନଙ୍କ ସହାୟତାରେ ନୀତୀଶ କୁମାରଙ୍କ ଉପରେ ଚାପ ପକାଉଥିବା ସୂଚନା ମିଳିଛି । ଏହାସହ ଏନସିପି ମୁଖ୍ୟ ଶରଦ ପାୱାର କହିଛନ୍ତି କି ଯଦି ନୀତୀଶ କୁମାର ମହାଗଠବନ୍ଧନ ଦେଇ ୟୁପିଏକୁ ଫେରିବାକୁ ଚାହିଁବେ ତେବେ ତାଙ୍କ ପାଇଁ ୟୁପିଏର ଦ୍ୱାର ସବୁବେଳେ ଖୋଲା ରହିଛି ।