ଅରୁଣାଚଳ ପ୍ରଦେଶରେ ଚୀନର ଅନୁପ୍ରବେଶ ହୋଇନାହିଁ : ପେମା ଖାଣ୍ଡୁ
ଇଟାନଗର: ଅରୁଣାଚଳ ପ୍ରଦେଶରେ ଚୀନ୍ ନିର୍ମାଣ କାର୍ଯ୍ୟ କରୁଥିବା ଖବରକୁ ଖଣ୍ଡନ କରିଛନ୍ତି ମୁଖ୍ୟମନ୍ତ୍ରୀ ପେମା ଖାଣ୍ଡୁ ।
ସେ କହିଛନ୍ତି ଯେ ସେ ଏ ନେଇ ସୋସିଆଲ ମିଡିଆରେ କରାଯାଉଥିବା ଦାବିଗୁଡିକୁ ସେ ଦେଖିଛନ୍ତି । କିନ୍ତୁ ପ୍ରକୃତ କଥା ହେଉଛି ଚୀନ ପକ୍ଷରୁ ନିଜ ଅଂଚଳରେ ନିର୍ମାଣ କାର୍ଯ୍ୟ କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
“ସୋସିଆଲ ମିଡିଆରେ ଦେଖିଛି ଯେ ଚାଇନିଜମାନେ (ଭାରତୀୟ ପାର୍ଶ୍ୱ) ପ୍ରବେଶ କରିଛନ୍ତି ଏବଂ ପୁନର୍ବାର ନିର୍ମାଣ କରୁଛନ୍ତି। ମୋତେ ମିଳିଥିବା ରିପୋର୍ଟ ଅନୁଯାୟୀ ସେମାନେ ଏପରି କିଛି ନାହାଁନ୍ତି। ସେମାନଙ୍କ ସମସ୍ତ କାର୍ଯ୍ୟକଳାପ ନିଜ ନିଜ ଅଞ୍ଚଳରେ ଅଛି । ବିରୋଧୀଙ୍କ ଦାବି ଭୁଲ ଅଟେ। ମୁଁ ଦୃଢତାର ସହ କହୁଛି ଯେ କୌଣସି ଅନୁପ୍ରବେଶ ହୋଇନାହିଁ” ସେ କହିଛନ୍ତି ।
ସେ ମଧ୍ୟ କଂଗ୍ରେସ ନେତା ରାହୁଲ ଗାନ୍ଧିଙ୍କୁ ସମାଲୋଚନା କରି କହିଛନ୍ତି ଯେ ତାଙ୍କର ସମଗ୍ର ଉତ୍ତର-ପୂର୍ବାଞ୍ଚଳ ଉପରେ କୌଣସି ଜ୍ଞାନ ନାହିଁ ।
ନିକଟରେ ରାହୁଲ ଗାନ୍ଧି ଏକ ଟୁଇଟ କରି ଲେଖିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିନା ଲଢେଇରେ ଚୀନକୁ ପ୍ରାୟ ୧ ହଜାର ବର୍ଗ କିଲୋମିଟର ଅଂଚଳ ସମର୍ପି ଦେଇଛନ୍ତି ।
ଏହାପୂର୍ବରୁ ଖବର ପ୍ରକାଶ ପାଇଥିଲା ଯେ ଅରୁଣାଚଳ ପ୍ରଦେଶର ଅଞ୍ଜୱା ଜିଲ୍ଲାର ଲୋକମାନେ ଚାଗଲାଗାମର ହାଡିଗାରା-ଡେଲଟା ନିକଟରେ ଚାଇନାର ନିର୍ମାଣ କାର୍ଯ୍ୟ ଦେଖିବା ସହ ତାହାକୁ କ୍ୟାମେରାରେ ରେକର୍ଡ କରିଛନ୍ତି ।