ଆସନ୍ତା ବର୍ଷଠାରୁ କେନ୍ଦ୍ର ସରକାରୀ ବିଭାଗ, ରାଷ୍ଟ୍ରାୟତ୍ତ ବ୍ୟାଙ୍କମାନେ ଡାଇରୀ,କ୍ୟାଲେଣ୍ଡର ଛପାଇ ପାରିବେ ନାହିଁ
ନୂଆଦିଲ୍ଲୀ : ଆପଣ ୨୦୨୧ ବର୍ଷ ପାଇଁ କୌଣସି ରାଷ୍ଟ୍ରାୟତ୍ତ ବ୍ୟାଙ୍କ, ରାଷ୍ଟ୍ରାୟତ୍ତ ସଂସ୍ଥା, କେନ୍ଦ୍ର ସରକାରୀ ବିଭାଗର ନାଁ ଲେଖାଥିବା ଡାଇରୀ, କ୍ୟାଲେଣ୍ଡର ଆଦି ଦେଖିବାକୁ ପାଇବେ ନାହିଁ । କାରଣ କେନ୍ଦ୍ର ସରକାର ସବୁପ୍ରକାରର ଡାଇରୀ, କ୍ୟାଲେଣ୍ଡର, ଗ୍ରିଟିଂ କାର୍ଡ ଆଦି ଛପାକୁ ନିଷିଦ୍ଧ କରିଛନ୍ତି । ଖର୍ଚ୍ଚ କାଟ ଓ ଡିଜିଟାଲ ଇଣ୍ଡିଆକୁ ପ୍ରେତ୍ସାହିତ କରିବା ଉଦ୍ଦେଶ୍ୟରେ ସରକାର ଏହି ପଦକ୍ଷେପ ନେଇଥିବା କୁହାଯାଉଛି ।
ଅର୍ଥମନ୍ତ୍ରାଳୟ ଅଧିନସ୍ଥ ଖର୍ଚ୍ଚ ବିଭାଗ ପକ୍ଷରୁ ଏକ ନିର୍ଦ୍ଦେଶ ଜାରି କରି ଆସନ୍ତା ବର୍ଷ ପାଇଁ ଛପାହେବାକୁ ଥିବାଡାଇରୀ, କ୍ୟାଲେଣ୍ଡର, ଗ୍ରିଟିଂ କାର୍ଡ, ଟେବୁଲ କ୍ୟାଲେଣ୍ଡର ଆଦିର ପ୍ରକାଶନକୁ ବାରଣ କରାଯାଇଛି । ଏହି ନିର୍ଦ୍ଦେଶ ସବୁ ସରକାରୀ ମନ୍ତ୍ରାଳୟ, ବିଭାଗ, ରାଷ୍ଟ୍ରାୟତ୍ତ ବ୍ୟାଙ୍କ, ରାଷ୍ଟ୍ରାୟତ୍ତ ଉଦ୍ଦ୍ୟୋଗଗୁଡ଼ିକ ପାଇଁ ଏହି କଟକଣା ଲାଗୁ ହେବ ।
Sambad is now on WhatsApp
Join and get latest news updates delivered to you via WhatsApp
ସରକାରଙ୍କ ଏହି ନିର୍ଦ୍ଦେଶ ଡିଜିଟାଲ ଇଣ୍ଡିଆକୁ ପ୍ରେତ୍ସାହିତ କରିବାକୁ କୁହାଯାଉଥିଲେ ମଧ୍ୟ ପ୍ରକୃତରେ ଏହା ଦ୍ୱାରା ସରକାରଙ୍କ ଶହ ଶହ କୋଟି ଟଙ୍କା ସଂଚୟ ହୋଇପାରିବ । ଏବେ କରୋନା ମହାମାରୀ ଯୋଗୁଁ ସରକାରଙ୍କ ରାଜସ୍ୱ ଆଦାୟ କମିଥିବାରୁ ସରକାର ବିଭିନ୍ନ ଖର୍ଚ୍ଚକାଟ କରୁଛନ୍ତି । କ୍ୟାଲେଣ୍ଡର, ଡାଇରୀ ଆଜି ଛପା ନାଁରେ ପ୍ରତି ବର୍ଷ ସରକାରୀ ତହବିଲରୁ ଶହ ଶହ କୋଟି ବ୍ୟୟ ହୋଇଥାଏ । ସେଗୁଡ଼ିକର ପରିବହନ ପାଇଁ ମଧ୍ୟ ଅର୍ଥ ବ୍ୟୟ ହୋଇଥାଏ । ସରକାରଙ୍କ କଟକଣା ପରେ ଏସବୁ ଅର୍ଥ ବଞ୍ଚିଯିବ ।