ପ୍ୟାରିସ ସ୍ଥିତ ଭାରତୀୟ ବାୟୁସେନାର ରାଫେଲ ଅଫିସରୁ କୌଣସି ତଥ୍ୟ ଚୋରୀ ହୋଇନାହିଁ : ରିପୋର୍ଟ
ନୂଆଦିଲ୍ଲୀ : ଗତ ମାସରେ ଫ୍ରାନ୍ସର ରାଜଧାନୀ ପ୍ୟାରିସରେ ଥିବା ଭାରତୀୟ ବାୟୁସେନାର ରାଫେଲ ପ୍ରୋଜେକ୍ଟ ମ୍ୟାନେଜମେଣ୍ଟ ଅଫିସରେ ଚୋରୀ ଉଦ୍ୟମ ହୋଇଥିଲା । ତେବେ ଏହି ଘଟଣାରେ କମ୍ପ୍ୟୁଟରରୁ କୌଣସି ତଥ୍ୟ ଚୋରୀ ହୋଇନାହିଁ ବୋଲି ଭାରତୀୟ ବାୟୁସେନାର ତଦନ୍ତକାରୀ ଦଳ ଜାଣିବାକୁ ପାଇଛି । ଏହା ଫଳରେ ବାୟୁସେନା ଆଶ୍ୱସ୍ତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ୨୨ ତାରିଖରେ ପ୍ୟାରିସରେ ଥିବା ଭାରତୀୟ ବାୟୁସେନାର ରାଫେଲ ପ୍ରୋଜେକ୍ଟ ମ୍ୟାନେଜମେଣ୍ଟ ଅଫିସରେ କେହି ଜଣେ ଝରକା ଭାଙ୍ଗି ଚୋରୀ ଉଦ୍ୟମ କରିଥିବା ଜଣାପଡିଥିଲା । ଏହି ଘଟଣା ଘଟିବା ପରେ ବାୟୁସେନା ପକ୍ଷରୁ ଏକ ଉଚ୍ଚସ୍ତରୀୟ ତଦନ୍ତକାରୀ ଦଳ ପ୍ୟାରିସ ପଠାଯାଇଥିଲା, ସେଥିରେ ସାଇବର ଫୋରେନସିକ ବିଶେଷଜ୍ଞ ମଧ୍ୟ ଥିଲେ ।
ପ୍ୟାରିସ ଉପକଣ୍ଠରେ ଥିବା ଏହି ଅଫିସଟି ଭାରତ-ଫ୍ରାନ୍ସ ମଧ୍ୟରେ ହୋଇଥିବା ରାଫେଲ ଡିଲ ସଂପର୍କିତ କାର୍ଯ୍ୟ, ଭାରତୀୟ ପାଇଲଟ ଓ ଇଂଜିନିୟରଙ୍କ ଟ୍ରେନିଂ, ବିମାନର ରକ୍ଷଣାବେକ୍ଷଣ ଆଦି ସଂପର୍କିତ କାର୍ଯ୍ୟ କରିଥାଏ । ଭାରତ ଫ୍ରାନ୍ସଠାରୁ ୩୬ଟି ରାଫେଲ ବିମାନ କିଣିବା ପାଇଁ ଚୁକ୍ତି କରିଛି ।