ନୂଆଦିଲ୍ଲୀ : ମଣିପୁରର ଚୁରାଚାନ୍ଦପୁରରେ ନଭେମ୍ବର ୧୩ରେ ହୋଇଥିବା ଆତଙ୍କବାଦୀ ଆକ୍ରମଣ ପଛରେ କୌଣସି ବିଦେଶୀ ଶକ୍ତିଙ୍କ ହାତ ଥିବା ସୂଚନା ମିଳିନାହିଁ ବୋଲି ସରକାର କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ଲୋକସଭାରେ ଏକ ପ୍ରଶ୍ନ ଉତ୍ତର ଦେଇ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଏହି ଆକ୍ରମଣ ଘଟଣା ପଛରେ କୌଣସି ବିଦେଶୀ ଶକ୍ତିଙ୍କ ହାତ ଥିବାର କୌଣସି ପ୍ରମାଣ ମିଳି ନାହିଁ । ତେବେ ଏନଆଇଏ ଏହି ଘଟଣାର ତଦନ୍ତ ଚଳାଇଛି । ତଦନ୍ତ ରିପୋର୍ଟ ଆସିବା ପରେ ଏ ନେଇ ସ୍ଥିତି ସ୍ପଷ୍ଟ ହେବ ବୋଲି ସେ କହିଛନ୍ତି ।
ମଣିପୁରରେ ନଭେମ୍ବର ୧୩ରେ ହୋଇଥିବା ଆତଙ୍କବାଦୀ ଆକ୍ରମଣରେ ଆସାମ ରାଇଫଲ୍ସର କମାଣ୍ଡିଂ ଅଫିସର ବିପ୍ଲବ ତ୍ରିପାଠୀ, ତାଙ୍କ ପତ୍ନୀ ଓ ୮ ବର୍ଷର ପୁଅ ସମେତ ମୋଟ ୭ ଜଣ ନିହତ ହୋଇଥିଲେ । ଏହି ଆତଙ୍କବାଦୀ ଆକ୍ରମଣ ପାଇଁ ମଣିପୁରର ପିପୁଲ୍ସ ଲିବରେସନ ଆର୍ମି (ପିଏଲଏ) ଓ ମଣିପୁର ନାଗା ପିପୁଲ୍ସ ଫ୍ରଣ୍ଟ ନିଜକୁ ଦାୟୀ କରିଥିଲା । ଏହି ଦୁଇ ସଂଗଠନ ପଡ଼ୋଶୀ ମିଆଁମାରରେ ନିଜର ତାଲିମ ଶିବିର ଚଳାଇଥିବା କୁହାଯାଉଛି । ଏହି ସଂଗଠନ ଚୀନଠାରୁ ଆର୍ଥିକ ଓ ସାମରିକ ସହାୟତା ପ୍ରାପ୍ତ କରୁଥିବା ସଂଦେହ କରାଯାଉଛି ।