୭ଟି ଡାକ୍ତରଖାନା କରିବାର ପ୍ରତିଶ୍ରୁତି ଦେଇଥିଲେ କେଜ୍ରିୱାଲ, ବର୍ଷକ ମଧ୍ୟରେ ଖୋଲିନାହିଁ ଗୋଟିଏ ବି ହସ୍ପିଟାଲ
ଆରଟିଆଇରେ ଖୁଲାସା
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଦେଖାଯାଇଥିବା ସ୍ୱପ୍ନର ବାସ୍ତବତା ନେଇ ଏବେ ଏକ ସୂଚନା ଅଧିକାର ରିପୋର୍ଟରେ ପ୍ରକାଶ ପାଇଛି। ଗତ ବର୍ଷ ଦିଲ୍ଲୀରେ ଡାକ୍ତରଖାନା ନିର୍ମାଣ ପାଇଁ ମୁଖ୍ୟମନ୍ତ୍ରୀ କେଜ୍ରିୱାଲ ଦେଇଥିବା ପ୍ରତିଶ୍ରୁତି ସମ୍ପୂର୍ଣ୍ଣ ଫମ୍ପା ଥିଲା ଏବଂ ତାହା ଏପର୍ଯ୍ୟନ୍ତ ପୂରଣ ହୋଇନାହିଁ ବୋଲି ଆରଟିଆଇ ତଥ୍ୟରେ ପ୍ରକାଶ ପାଇଛି । ଜୁଲାଇ ୧, ୨୦୨୧ରୁ ଜୁଲାଇ ୨୦୨୨ ମଧ୍ୟରେ ଦିଲ୍ଲୀରେ କେତେ ଡାକ୍ତରଖାନା ନିର୍ମାଣ ହୋଇଛି ବୋଲି ଟ୍ୱିଟର ବ୍ୟବହାରକାରୀ ଅମିତ କୁମାର ଏକ ଆରଟିଆଇ ଦାଖଲ କରିଥିଲେ। ଦିଲ୍ଲୀ ସରକାର ଜନସାଧାରଣଙ୍କୁ ଦେଇଥିବା ପ୍ରତିଶ୍ରୁତି କେତେ ପୂରଣ କରୁଛନ୍ତି ତାହା ଜାଣିବାକୁ ସେ ଆରଟିଆଇ ଆବେଦନ କରିଥିଲେ। କିନ୍ତୁ, ଯେତେବେଳେ ଉତ୍ତର ଆସିଲା, ତାଙ୍କର ସନ୍ଦେହ ସତ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ଆରଟିଆଇର ଜବାବ ଦେଇ ଦିଲ୍ଲୀ ସ୍ୱାସ୍ଥ୍ୟ ସେବା ନିର୍ଦ୍ଦେଶାଳୟର ଜନ ସୂଚନା ଅଧିକାରୀ କହିଛନ୍ତି ଯେ ଦିଲ୍ଲୀ ସରକାର ଜୁଲାଇ ୧, ୨୦୨୧ରୁ ଜୁଲାଇ ୨୦୨୨ ମଧ୍ୟରେ ଗୋଟିଏ ବି ଡାକ୍ତରଖାନା ନିର୍ମାଣ କରିନାହାଁନ୍ତି। ଏହି ଆରଟିଆଇରେ ଅମିତ ଆଉ ତିନୋଟି ପ୍ରଶ୍ନ ପଚାରିଥିଲେ। ସେଥିମଧ୍ୟରୁ ଗୋଟିଏ ହେଲା ଗତ ୧ ବର୍ଷ ମଧ୍ୟରେ ଦିଲ୍ଲୀ ସରକାର ଡାକ୍ତରଖାନାଗୁଡ଼ିକରେ ଆଉ କେତେ ଶଯ୍ୟା ବଢାଇଥିଲେ ? ଦ୍ୱିତୀୟରେ, କେଜ୍ରିୱାଲ ସରକାରଙ୍କ ଦ୍ୱାରା ପରିଚାଳିତ ଦିଲ୍ଲୀ ଡାକ୍ତରଖାନାରେ କେତେ ଆମ୍ବୁଲାନ୍ସ ନୂଆ ଭାବେ ସାମିଲ କରାଯାଇଥିଲା ବୋଲି ପଚରାଯାଇଥିଲା?
I had filed an RTI to check the claim of @ArvindKejriwal, who said that 7 hospitals have been constructed in last six months.
RTI reveals 0 (ZERO) hospitals have been built in last six months.👏👏 pic.twitter.com/tovW9ab632
— Amit Kumar (@AMIT_GUJJU) August 2, 2022
ତୃତୀୟଟି ହେଲା ମୋହାଲା କ୍ଲିନିକରେ କେତେ ରୋଗୀ ଚିକିତ୍ସିତ ହୋଇଛନ୍ତି? ଏହି ତିନୋଟି ପ୍ରଶ୍ନ ବିଷୟରେ, ଆରଟିଆଇରେ କୁହାଯାଇଥିଲା ଯେ ଏହି ସୂଚନା ନାହିଁ | ସୂଚନା ଥାଉ କି ଯେ ଅରବିନ୍ଦ କେଜ୍ରିୱାଲ ୨୦୨୧ ମସିହାରେ ଏକ କାର୍ଯ୍ୟକ୍ରମରେ ପ୍ରତିଶୃତି ଦେଇଥିଲେ ଯେ ଦିଲ୍ଲୀ ସରକାର ୭ଟି ଡାକ୍ତରଖାନା ନିର୍ମାଣ କରିବାକୁ ଯାଉଛନ୍ତି ଯେଉଁଥିରେ ମୋଟ ଶଯ୍ୟା କ୍ଷମତା ୬୮୦୦ ହେବ। ଏହି ଡାକ୍ତରଖାନାଗୁଡ଼ିକ ୬ମାସ ମଧ୍ୟରେ ନିର୍ମାଣ ହେବ ବୋଲି ସେତେବେଳେ କହିଥିଲେ । କିନ୍ତୁ ବର୍ତ୍ତମାନ ସୂଚନା ଅଧିକାର ତଥ୍ୟରେ ଦର୍ଶାଯାଇଛି ଯେ ୭ଟି ଡାକ୍ତରଖାନା ମଧ୍ୟରୁ ଗୋଟିଏ ବି ନିର୍ମାଣ ହୋଇନାହିଁ |