କୋଲକତା : କୌଣସି ଦୂର୍ଗାପୂଜା କମିଟିକୁ ଆୟକର ନୋଟିସ ଦିଆଯାଇ ନାହିଁ, ସ୍ପଷ୍ଟ କଲା ଆୟକର ବିଭାଗ
ନୂଆଦିଲ୍ଲୀ : କୋଲକତାରେ ଦୂର୍ଗାପୂଜା ପେଣ୍ଡାଲଗୁଡ଼ିକୁ ଆୟକର ନୋଟିସ ପଠାଯିବାକୁ ନେଇ ପଶ୍ଚିମବଙ୍ଗରେ ବ୍ୟାପକ ଅସନ୍ତୋଷ ସୃଷ୍ଟି ହୋଇଛି । ଏହାକୁ ନେଇ ତୃଣମୂଳ କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । କିନ୍ତୁ ଆୟକର ବିଭାଗ ପକ୍ଷରୁ ଏ ନେଇ ଏକ ସ୍ପଷ୍ଟୀକରଣ ଦିଆଯାଇଛି । ଆୟକର ବିଭାଗ ପକ୍ଷରୁ କୁହାଯାଇଛି ଯେ କୌଣସି ପୂଜାକମିଟିକୁ ଆୟକର ନୋଟିସ ଦିଆଯାଇନାହିଁ । ଏ ନେଇ ମିଥ୍ୟାପ୍ରଚାର କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ତେବେ ପୂଜା ପେଣ୍ଡାଲଗୁଡ଼ିକର କଣ୍ଟ୍ରାକ୍ଟ ନେଉଥିବା ବିଭିନ୍ନ କଣ୍ଟ୍ରାକ୍ଟର ମାନେ ଟିକସ ଠକେଇ କରୁଥିବା ନଜରକୁ ଆସିଥିବାରୁ ସେମାନଙ୍କୁ ଆୟକର ନୋଟିସ ପଠାଯାଉଛି । ଆୟକର ଆଇନ ୧୯୬୧ର ଧାରା ୧୩୩ (୬) ଅନୁସାରେ ଏହି ନୋଟିସ ପଠାଯାଉଛି । ଏହା ସହିତ ପୂଜା କମିଟି ଦ୍ୱାରା ନିଯୁକ୍ତ ଇଭେଣ୍ଟ ମ୍ୟାନେଜମେଣ୍ଟ ସଂସ୍ଥାକୁ ମଧ୍ୟ ଆୟକର ନୋଟିସ ଦିଆଯାଉଛି ଅଥବା ସେମାନଙ୍କ ଟିଡିଏସ ଯାଞ୍ଚ କରାଯାଉଛି । କେତେକ କଣ୍ଟ୍ରାକ୍ଟର ଓ ଇଭେଣ୍ଟ ମ୍ୟାନେଜମେଣ୍ଟ ସଂସ୍ଥା ପକ୍ଷରୁ ଆବଶ୍ୟକ ଟିଡିଏସ କାଗଜପତ୍ର ପ୍ରଦାନ କରାଯାଇଛି ବୋଲି କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ପକ୍ଷରୁ ସ୍ପଷ୍ଟ କରିଦିଆଯାଇଛି ।