ଆଗ୍ରାର ହୋଟେଲ ଆଗରେ ନୋଟିସ ମରାଯାଇଛି : କାଶ୍ମୀର ଲୋକଙ୍କୁ ପ୍ରବେଶ ମନା
ଆଗ୍ରା : ପୁଲଓ୍ବାମା ଆତଙ୍କବାଦୀ ଆକ୍ରମଣ ପରେ କାଶ୍ମୀର ଲୋକମାନଙ୍କ ପ୍ରତି ଦେଶର ଅନ୍ୟ ଅଂଚଳରେ ଅସୂୟାଭାବ ସୃଷ୍ଟି ହୋଇଥିବା ଦେଖାଯାଇଛି । ଆଗ୍ରାର କେତେକ ହୋଟେଲରେ କାଶ୍ମୀର ଲୋକମାନଙ୍କୁ ରୁମ ଦିଆଯିବ ନାହିଁ ବୋଲି ଲେଖାଥିବା ପୋଷ୍ଟର ମରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଗ୍ରାର କିଷାନ ଲଜର ମ୍ୟାନେଜର ରଜାବ ଅଲି କହିଛନ୍ତି ଯେ କାଶ୍ମୀର ଲୋକମାନେ ସବୁବେଳେ ପାକିସ୍ତାନୀ ଆତଙ୍କବାଦୀଙ୍କୁ ସମର୍ଥନ କରୁଛନ୍ତି । ଆମ ସେନାର ଯବାନ ସହିଦ ହେଉଥିଲେ ମଧ୍ୟ ସେମାନେ ସହିଦମାନଙ୍କୁ ଶ୍ରଦ୍ଧାଞ୍ଜଳୀ ଦେବା ବଦଳରେ ଆତଙ୍କୀଙ୍କ ସମର୍ଥନରେ ବାହାରୁଛନ୍ତି । ଏହା ବନ୍ଦ ହେବା ଦରକାର । ଆମେ ଏମାନଙ୍କୁ ହୋଟେଲ ଦେବୁନାହିଁ ।
ଏହିପରି ସମାନ କଥା କହିଛନ୍ତି ରିଜ୍ ହୋଟେଲର ମ୍ୟାନେଜର ରୋହିତ । ସେ କହିଛନ୍ତି ଯେ ଆମର ସହିଦମାନଙ୍କୁ ନ୍ୟାୟ ନ ମିଳିବା ଯାଏଁ ଓ ସେନା ଉପରକୁ ପଥରମାଡ ବନ୍ଦ ନହେବା ଯାଏ କୌଣସି କାଶ୍ମୀର ଲୋକଙ୍କୁ ରୁମ ଦିଆଯିବ ନାହିଁ ବୋଲି ସେ କହିଛନ୍ତି । ତେବେ ଆଗ୍ରା ହୋଟେଲ ମିଲକ ସଂଘ ପକ୍ଷରୁ କୁହାଯାଇଛି ଯେ କାଶ୍ମୀର ଲୋକମାନଙ୍କ ପ୍ରତି ଏପରି କୌଣସି ବାଛବିଚାର କରାଯିବ ନାହିଁ । କାରଣ ସେମାନେ ମଧ୍ୟ ଭାରତୀୟ ।